ဇွန်-၁၄၊၂၀၂၆။သုည/People’s Spring
ဇွန်လ ၁၉ရက်မှာ ကျရောက်မယ့် လူထုခေါင်းဆောင် ဒေါ်အောင်ဆန်းစုကြည်ရဲ့ (၈၁)နှစ်ပြည့်မွေးနေ့ အထိမ်းအမှတ်အဖြစ် နယ်သာလန်၊ တောင်ကိုရီးယားနဲ့ ဂျပန်နိုင်ငံတို့မှာ ပြည်ပရောက် မြန်မာနိုင်ငံသားတွေ စုပေါင်းပြီး မွေးနေ့ဆုတောင်းပွဲကို ဒီကနေ့ (ဇွန် ၁၄)မှာ ပြုလုပ်ခဲ့ပါတယ်။
နယ်သာလန်နိုင်ငံ၊အမ်စတာဒမ်မြို့မှာပြည်ပရောက်မြန်မာတွေနဲ့ တော် လှန်ရေးထောက်ခံသူတွေ စုပေါင်းပြီး ဒေါ်အောင်ဆန်းစုကြည်ရဲ့ မွေးနေ့အကြို ဆုတောင်းပွဲ ကျင်းပခဲ့ပါတယ်။
နယ်သာလန်ရောက် မြန်မာတွေက လူထုခေါင်းဆောင် ဒေါ်အောင်ဆန်းစုကြည် အမြန်ဆုံးပြန်လည်လွတ်မြောက်လာရေးနဲ့ မြန်မာပြည်သူတွေ ဘေးအန္တရာယ်ကင်းဝေးစေရေးအတွက် စုပေါင်းဆုတောင်းခဲ့ကြပါတယ်။
Public Service Announcement
တောင်ကိုရီးယားနိုင်ငံ ဘူဖျောင်းမြို့အနီး ဂယဲဆန်းတောင်ပေါ်မှာလည်း နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ (၈၁)နှစ်ပြည့် မွေးနေ့ရက်မြတ်ကို ကြိုဆိုဂုဏ်ပြုတဲ့အနေနဲ့ မီးထွန်းဆုတောင်းတဲ့ ဆီမီးသပိတ်ကို ပြုလုပ်ခဲ့ပါတယ်။
ဆီမီးထွန်းဆုတောင်းပွဲမှာ တော်လှန်ရေးအားပေးစကားပြောကြားခြင်း၊ ကဗျာရွတ်ဆိုခြင်းနဲ့ ခွန်အားဖြည့်မိငယ်သီချင်း သီဆိုခြင်းတို့လည်း လုပ်ဆောင်ခဲ့ပါတယ်။
ဂျပန်နိုင်ငံမှာလည်း NUG Support Team Japan က ဦးဆောင်ပြီး ဇွန်လ ၁၉ ရက်နေ့မှာ ကျရောက်မယ့် ဒေါ်အောင်ဆန်းစုကြည်ရဲ့ (၈၁) ပြည့် မွေးနေ့အထိမ်းအမှတ် အကြိုအဖြစ် ဆုတောင်းပွဲနဲ့ ဘာသာပေါင်းစုံ စုတောင်းပွဲ ကျင်းပခဲ့ပါတယ်။
မွေးနေ့အကြို ဆုတောင်းပွဲနဲ့ ဒေါ်အောင်ဆန်းစုကြည်အပါအဝင် မတရားဖမ်းဆီးခံထားရတဲ့ နိုင်ငံရေးအကျဉ်းသားတွေ အားလုံးလွတ်မြောက်ရေးအတွက် ဘာသာပေါင်းစုံ ဆုတောင်းပွဲကို Shizuoka ခရိုင်၊ Gotemba မြို့ရှိ ငြိမ်ချမ်းရေးပန်းခြံမှာ ဂျပန်နိုင်ငံရှိ အင်အားစုတွေက စုပေါင်းကျင်းပခဲ့တာပါ။
ဓာတ်ပုံ – စစ်အာဏာသိမ်းမှုဆန့်ကျင်ရေး (ကိုရီးယား) ၊ CJ
