Connect with us

Hi, what are you looking for?

LuduNwayOo

နိုင်ငံတကာ

ယူကရိန်းရဲ့ အကြီးဆုံးမြို့ကို သိမ်းယူဖို့ ကြိုးစားနေကြောင်း သတင်းတွေကို ပူတင်ငြင်းဆို

တရုတ်နိုင်ငံကို ရောက်ရှိနေစဉ် အတောအတွင်း သတင်းထောက်တွေက ရုရှားဟာ ခါကစ်ဗ်ထိ ချီတက်သိမ်းယူဖို့ အစီအစဉ် ရှိသလားလို့ မေးမြန်းချိန်မှာ ပူတင်က အခုထိတော့ အဲဒီကိစ္စကို လုံးဝ စဉ်းစားမထားဘူးလို့ ဖြေကြားသွားပါတယ်။

ယူကရိန်းရဲ့ အကြီးဆုံးမြို့ကို သိမ်းယူဖို့ ကြိုးစားနေကြောင်း သတင်းတွေကို ပူတင်ငြင်းဆို
ယူကရိန်းရဲ့ အကြီးဆုံးမြို့ကို သိမ်းယူဖို့ ကြိုးစားနေကြောင်း သတင်းတွေကို ပူတင်ငြင်းဆို

ယူကရိန်းရဲ့ ဒုတိယ အကြီးဆုံးမြို့ဖြစ်တဲ့ ခါကစ်ဗ်ကို သိမ်းယူဖို့ ပြင်ဆင်နေကြောင်း ခန့်မှန်းချက်တွေကို ရုရှား သမ္မတ ဗလာဒီမာ ပူတင်က ငြင်းဆိုသွားပါတယ်။

တရုတ်နိုင်ငံကို ရောက်ရှိနေစဉ် အတောအတွင်း သတင်းထောက်တွေက ရုရှားဟာ ခါကစ်ဗ်ထိ ချီတက်သိမ်းယူဖို့ အစီအစဉ် ရှိသလားလို့ မေးမြန်းချိန်မှာ ပူတင်က အခုထိတော့ အဲဒီကိစ္စကို လုံးဝ စဉ်းစားမထားဘူးလို့ ဖြေကြားသွားပါတယ်။

ဒါပေမဲ့ လောလောဆယ် ယူကရိန်းနိုင်ငံ အရှေ့မြောက်ပိုင်းမှာ ရုရှားတပ်တွေ ပိုမို ထိုးစစ်ဆင် ဝင်ရောက်နေတာကို ပူတင်က အတည်ပြုခဲ့ပြီး အဲဒီ စစ်ရေးလှုပ်ရှားမှုတွေရဲ့ ရည်ရွယ်ချက်ကတော့ ရုရှား နယ်စပ်တွေရဲ့ အလွန်မှာ လုံခြုံရေးဇုန်တွေ ထားရှိဖို့ ဖြစ်တယ်လို့ သူက ဆိုပါတယ်။

ခါကစ်ဗ်ဟာ ရုရှားတပ်တွေ ဆက်တိုက် ထိုးဖောက် စစ်ဆင်နေတဲ့ ဦးတည်ချက် လမ်းကြောင်းတည့်တည့်မှာ ရှိနေတာကြောင့် အဲဒီမြို့ဆီ ရုရှားက စစ်ချီနေသလားဆိုတဲ့ မေးခွန်းတွေ ထွက်ပေါ်လာတာပါ။ ယူကရိန်း စစ်တပ်ကတော့ နယ်စပ်ကျေးရွာ တချို့ကို ပြီးခဲ့တဲ့ ရက်ပိုင်းမှာ လက်လွှတ်ခဲ့ရတဲ့တိုင် ရုရှားထိုးစစ်ကို တည်တည်ငြိမ်ငြိမ် ဆက်ထိန်းထားနိုင်ဆဲလို့ ပြောပါတယ်။

Public Service Announcement

Public Service Announcement

ခါကစ်ဗ်ဟာ အခုသီတင်းပတ်ထဲမှာ ရုရှားရဲ့ ဒရုံးနဲ့ လက်နက်ကြီး တိုက်ခိုက်မှုတွေကိုလည်း ခံခဲ့ရပါသေးတယ်။ ခါကစ်ဗ်ဟာ စစ်ပွဲမတိုင်ခင်တုန်းက လူဦးရေ ၁.၄ သန်းလောက် နေထိုင်ပြီး ယူကရိန်းရဲ့ စစ်မှုနဲ့ နည်းပညာ ရပ်ဝန်းတစ်ခု ဖြစ်ခဲ့ပါတယ်။ ပြီးတော့ တည်နေရာကလည်း ရုရှားပိုင်နက်နဲ့ ကီလိုမီတာ ၃၀ လောက်သာ ကွာဝေးပါတယ်။

ပူတင်က ခါကစ်ဗ်ဟာ ရုရှားရဲ့ ထိုးစစ် အစီအမံထဲမှာ ပစ်မှတ်အနေနဲ့ မပါဝင်ဘူးလို့ လူသိရှင်ကြား ပြောထားတဲ့တိုင် သူ့ရဲ့ စကားတွေကို အပြည့်အဝ ယုံကြည်လို့ မရပါဘူး။ အထင်ရှားဆုံး ဥပမာ အနေနဲ့ ရုရှားဟာ ၂၀၂၂ ခုနှစ်၊ ဖေဖော်ဝါရီလမှာ ယူကရိန်းကို အလုံးအရင်း ထိုးစစ်ဆင် မတိုက်ခိုက်ခင် ကာလတလျှောက် အိမ်နီးချင်း နိုင်ငံကို စစ်ပြုမှာ မဟုတ်ကြောင်း ပူတင်က အကြိမ်ကြိမ် ငြင်းဆိုခဲ့ဖူးပါတယ်။

ကိုးကား CNA

ဆက်စပ်သတင်းများ

နိုင်ငံတကာ

ရုရှားက ယူကရိန်းမှာ အထူးစစ်ဆင်ရေး (အော်ပရေးရှင်း)တစ်ခု ဆင်နွှဲတာသာ ဖြစ်တယ်လို့ တရားဝင် သုံးနှုန်းနေတာကို ငြင်းဆိုပြီး စစ်ပွဲအဖြစ် သတ်မှတ် ကြေညာခဲ့ပါတယ်။

နိုင်ငံတကာ

ပူတင်ရဲ့ အဆိုမှာ အရေးကြီးတဲ့ အချက်တွေအဖြစ် လက်ရှိ ရုရှား ထိန်းချုပ်ထားတဲ့ ယူကရိန်း နယ်မြေတွေကို ယူကရိန်းက စွန့်လွှတ်ပြီး တပ်တွေ ရုပ်သိမ်းပေးဖို့၊ NATO စစ်မဟာမိတ် အဖွဲ့ထဲ ဝင်ရောက်ဖို့ ပြင်ဆင်နေမှုတွေကို ရပ်တန့်ဖို့ ဆိုတာတွေ ပါရှိခဲ့ပါတယ်။

နိုင်ငံတကာ

ဇီလန်စကီးကလည်း ယူကရိန်းအတွက် မယိမ်းမယိုင် ထောက်ပံ့ပေးနေဆဲ ဖြစ်တဲ့အတွက် အမေရိကန်နဲ့ မဟာမိတ် နိုင်ငံတွေကို ကျေးဇူးတင်စကား ပြောကြားသွားပါတယ်။

နိုင်ငံတကာ

ရုရှားစစ်တပ်ထဲမှာ အမှုထမ်းရင်း အိန္ဒိယ နိုင်ငံသားနှစ်ဦးဟာ ယူကရိန်း ပဋိပက္ခမှာ သေဆုံးသွားတယ်ဆိုတဲ့ သတင်းအတွက် ဝမ်းနည်းမိကြောင်း အိန္ဒိယ နိုင်ငံခြားရေး ဝန်ကြီးဌာနက ထုတ်ပြန်ပါတယ်။