Connect with us

Hi, what are you looking for?

LuduNwayOo

နိုင်ငံတကာ

နိုင်ငံသမိုင်းမှာ ပထမဆုံး အမျိုးသမီး သမ္မတကို မက္ကဆီကို ပြည်သူတွေ မဲပေး ရွေးကောက်

ရှိန်ဘွမ်က သူဟာ အော့ဘရာဒို လက်ထက်မှာ ရရှိခဲ့တဲ့ တိုးတက်မှုတွေကို ဆက်လက် ထိန်းသိမ်း ပျိုးထောင်ရင်း ပိုမိုကောင်းမွန်အောင် ကြိုးစားသွားမယ်လို့ မဲဆွယ်ခဲ့တာ ဖြစ်ပါတယ်။

နိုင်ငံသမိုင်းမှာ ပထမဆုံး အမျိုးသမီး သမ္မတကို မက္ကဆီကို ပြည်သူတွေ မဲပေး ရွေးကောက်
နိုင်ငံသမိုင်းမှာ ပထမဆုံး အမျိုးသမီး သမ္မတကို မက္ကဆီကို ပြည်သူတွေ မဲပေး ရွေးကောက်

မက္ကဆီကို နိုင်ငံသမိုင်းမှာ ပထမဆုံး အမျိုးသမီး သမ္မတအဖြစ် ကလော်ဒီယာ ရှိန်ဘွမ်က တာဝန်ယူခွင့် ရတော့မှာ ဖြစ်ပါတယ်။

ပြီးခဲ့တဲ့ သီတင်းပတ်ကုန် ရွေးကောက်ပွဲအတွက် အဓိက ပါတီကြီး နှစ်ခုစလုံးက သမ္မတလောင်းအဖြစ် အမျိုးသမီးတွေကို ရွေးချယ်ခဲ့ကြတာကြောင့် မက္ကဆီကိုဟာ ပထမဆုံး အမျိုးသမီး သမ္မတ တစ်ဦးကို တင်မြှောက်ခွင့်ရဖို့ သေချာနေခဲ့ပြီး ဖြစ်ပါတယ်။ ရွေးကောက်ပွဲ ရလဒ်တွေ ထွက်ပေါ်လာချိန်မှာတော့ အသက် ၆၁ နှစ် ရှိပြီဖြစ်တဲ့ မက္ကဆီကို စီးတီး မြို့တော်ဝန်ဟောင်း၊ သဘာဝ ပတ်ဝန်းကျင် ထိန်းသိမ်းရေး သိပ္ပံပညာရှင် ရှိန်ဘွမ်က သောင်ပြိုကမ်းပြို ရလဒ်နဲ့ အနိုင်ရသွားခဲ့တာ ဖြစ်ပါတယ်။

မဲရလဒ်တွေကို အတိအကျ မကြေညာသေးပေမယ့် ရှိန်ဘွမ်ဟာ ထောက်ခံမဲ ပမာဏ ၅၈ ကနေ ၆၀ ရာခိုင်နှုန်းကြား ရရှိဖို့ သေချာနေတယ်လို့ ရွေးကောက်ပွဲ ကော်မရှင်က အတည်ပြုခဲ့ပါတယ်။ သူ့ရဲ့ အဓိက စိန်ခေါ်သူ အမျိုးသမီး စီးပွားရေး လုပ်ငန်းရှင် ရှိုချစ်တဲလ် ဂျဲလ်ဗက်ဇ်ကတော့ မဲပမာဏ ၃၀ ရာခိုင်နှုန်းလောက်ကိုသာ စုဆောင်းနိုင်ခဲ့ပါတယ်။

ရွေးကောက်ပွဲ ရလဒ်ကို အတည်ပြု ကြေညာပြီးတဲ့နောက် ရှိန်ဘွမ်က သူ့အပေါ် အားပေး ထောက်ခံသူတွေကို လုံးဝ စိတ်မပျက်စေရဘူးလို့ ထပ်မံ ကတိပေးခဲ့ပါတယ်။ သူဟာ ရာထူးသက်တမ်းစေ့လို့ ရာထူးက နုတ်ထွက်မယ့် သမ္မတ လိုပက်ဇ် အော့ဘရာဒိုရဲ့ နေရာမှာ အောက်တိုဘာလ ၁ ရက်နေ့က စပြီး ဆက်ခံ တာဝန်ယူသွားမှာ ဖြစ်ပါတယ်။

Public Service Announcement

Public Service Announcement

အော့ဘရာဒိုဟာ ရှိန်ဘွမ်ရဲ့ လက်ရင်းဆရာလို့လည်း ပြောနိုင်ပြီး အခုရွေးကောက်ပွဲမှာ ရှိန်ဘွမ်ကို အပြည့်အဝ ထောက်ခံခဲ့ပါတယ်။ မက္ကဆီကိုရဲ့ ဖွဲ့စည်းပုံ ဥပဒေတွေအရ သမ္မတ တစ်ဦးဟာ ဒုတိယ သက်တမ်း ရွေးကောက် ခံပိုင်ခွင့် မရှိဘဲ ရာထူးသက်တမ်း ၆ နှစ်စေ့ရင် နုတ်ထွက်ပေးရပါတယ်။

ရှိန်ဘွမ်က သူဟာ အော့ဘရာဒို လက်ထက်မှာ ရရှိခဲ့တဲ့ တိုးတက်မှုတွေကို ဆက်လက် ထိန်းသိမ်း ပျိုးထောင်ရင်း ပိုမိုကောင်းမွန်အောင် ကြိုးစားသွားမယ်လို့ မဲဆွယ်ခဲ့တာ ဖြစ်ပါတယ်။

နှစ်ပေါင်း ၂၀၀ လောက်အတွင်း မက္ကဆီကိုဟာ ပထမဆုံး အမျိုးသမီး သမ္မတ တစ်ဦးကို တင်မြှောက်ခွင့် ရတော့မှာဖြစ်ပြီး အဲဒီနေရာကို သူက ဂုဏ်ယူစွာနဲ့ တာဝန်ယူမှာ ဖြစ်ကြောင်း၊ သူ့ရဲ့ အောင်ပွဲဟာ တစ်ဦးတည်းအတွက် မဟုတ်ဘဲ အမျိုးသမီးထု တစ်ရပ်လုံးနဲ့ သက်ဆိုင်တယ်လို့ ယုံကြည်ကြောင်း ရှိန်ဘွမ်က ဆိုပါတယ်။

ရှိန်ဘွမ်က ရွေးကောက်ပွဲမှာ အရေးနိမ့်ခဲ့တယ် ဆိုတာကို ကြည်ကြည်သာသာ လက်ခံခဲ့တဲ့ ပြိုင်ဘက် ဂျဲလ်ဗက်ဇ်ရဲ့ ဖြောင့်မတ် မှန်ကန်မှု အတွက်လည်း ကျေးဇူးတင်တယ်လို့ ပြောပါတယ်။ ရှိန်ဘွမ်ဟာ မက္ကဆီကို နိုင်ငံမှာ အရေးအကြီးဆုံး နိုင်ငံရေး ရာထူးတစ်ခုဖြစ်တဲ့ မက္ကဆီကို စီးတီး မြို့တော်ဝန် တာဝန်ကို အောင်အောင်မြင်မြင် ထမ်းဆောင်နိုင်ခဲ့ခြင်းကလည်း သူ့အပေါ် လူထုယုံကြည်မှုကို ပိုမို ရရှိစေခဲ့တယ်လို့ လေ့လာသူတွေက သုံးသပ်ခဲ့ပါတယ်။ သူဟာ အဲဒီရာထူးမှာ ၂၀၁၈ ကနေ ၂၀၂၃ ထိ တာဝန်ယူခဲ့ပြီးတဲ့နောက် သမ္မတလောင်း အနေနဲ့ ရွေးကောက်ပွဲဝင်ဖို့ နုတ်ထွက်ခဲ့တာ ဖြစ်ပါတယ်။

ကိုးကား: BBC

ဆက်စပ်သတင်းများ

သတင်း

စစ်ရာဇဝတ်မှု၊ လူသားမျိုးနွယ်အပေါ် ပြစ်မှုများကို လက်ရဲဇက်ရဲ ဆက်တိုက်ကျူးလွန် ခဲ့သော ဖက်ဆစ် စစ်ကောင်စီအား ကန့်ကွက်ရှုတ်ချကြောင်း AAက ထုတ်ပြန်ခဲ့ပြီး သတိပေးမှုများလည်း ပြုလုပ်ခဲ့သည်။

နိုင်ငံတကာ

စီရင်ချက်ကို ဖတ်ကြားချိန် ထရမ့်က တရားခွင်မှာ ငူငူကြီး ထိုင်နေခဲ့ပြီး ရုံးအပြင်ဖက်မှာ စုဝေးနေတဲ့ သူ့ကို ဆန့်ကျင်သူတွေရဲ့ အောင်ပွဲခံ အော်ဟစ်သံတွေကို ကြားနေခဲ့ရတယ်လို့ မျက်မြင်တွေက ဆိုပါတယ်။

နိုင်ငံတကာ

အီရန် မီဒီယာတွေကလည်း ရိုင်ဆီ သေဆုံးသွားပြီလို့ ဖော်ပြကြပေမယ့် အစိုးရဆီက တရားဝင် ကြေညာချက်တော့ ထွက်ပေါ်မလာသေးပါဘူး။

နိုင်ငံတကာ

ရွေးကောက်ပွဲမှာ လိုင်အနိုင်ရခဲ့ပြီးချိန်ကနေ သမ္မတသစ်အဖြစ် ကျမ်းသစ္စာ ကျိန်ဆိုခဲ့တဲ့ ကာလတလျှောက် တရုတ်ဟာ ထိုင်ဝမ်ကျွန်းနားမှာ စစ်ရေး အင်အားပြ ခြိမ်းခြောက်မှုတွေ အစဉ်တစိုက် လုပ်ဆောင်ခဲ့ပါတယ်။