Connect with us

Hi, what are you looking for?

LuduNwayOo

နိုင်ငံတကာ

၂၄ နှစ်အတွင်း ပထမဆုံးအကြိမ် မြောက်ကိုရီးယားကို ပူတင်သွားရောက်မယ်လို့ အတည်ပြု

နောက်ဆုံးအကြိမ် ရုရှားမှာ နှစ်ဦး တွေ့ဆုံခဲ့တုန်းက ပူတင်ဟာ မြောက်ကိုရီးယားနဲ့ စစ်ရေး ပူးပေါင်း ဆောင်ရွက်မှုတွေ ရှိလာနိုင်ကြောင်း အရိပ်အမြွက် မှတ်ချက် ပေးခဲ့ဖူးပြီး ကင်မ်ကလည်း ယူကရိန်း စစ်ပွဲကို အနိုင်ရစေဖို့ ရုရှားအတွက် ဆန္ဒပြုပေးခဲ့ဖူးပါတယ်။

၂၄ နှစ်အတွင်း ပထမဆုံးအကြိမ် မြောက်ကိုရီးယားကို ပူတင်သွားရောက်မယ်လို့ အတည်ပြု
၂၄ နှစ်အတွင်း ပထမဆုံးအကြိမ် မြောက်ကိုရီးယားကို ပူတင်သွားရောက်မယ်လို့ အတည်ပြု

၂၄ နှစ်အတွင်း ပထမဆုံးအကြိမ် မြောက်ကိုရီးယားကို အလည်အပတ် သွားရောက်မယ်လို့ ရုရှားသမ္မတ ဗလာဒီမာ ပူတင်က အတည်ပြုခဲ့ပါတယ်။

သူဟာ ဇွန်လ ၁၈ ရက်နေ့မှာ ပြုံယမ်းကို ရောက်ရှိပြီး မြောက်ကိုရီးယားခေါင်းဆောင် ကင်မ်ဂျုံအွန်နဲ့ တွေ့ဆုံ ဆွေးနွေးမှုတွေ လုပ်ဆောင်သွားမယ်လို့ ရုရှား အစိုးရက ထုတ်ပြန်ခဲ့ပါတယ်။ ခေါင်းဆောင်နှစ်ဦးဟာ မနှစ်က စက်တင်ဘာလတုန်းက ရုရှားရဲ့ ဗလာဒီဗိုစတော့ခ်မြို့မှာ လူချင်း တွေ့ဖြစ်ခဲ့ကြပါသေးတယ်။

ဒါပေမဲ့ ပူတင်က ပြုံယမ်းမြေကို သွားရောက် ခြေချမယ် ဆိုတာကတော့ ၂၀၀၀ ပြည့်နှစ်နောက်ပိုင်း ပထမဆုံးအကြိမ် ဖြစ်လာခဲ့ပါတယ်။ မြောက်ကိုရီးယားဟာ တရုတ်ရဲ့ အရင်းနှီးဆုံး မဟာမိတ်အဖြစ် နှစ်ရှည်လများ ရပ်တည်ခဲ့ပြီး ရုရှားနဲ့ ခပ်ကင်းကင်း ရှိခဲ့ရာက ယူကရိန်း စစ်ပွဲနောက်ပိုင်းမှာတော့ နိုင်ငံတကာ အပယ်ခံ ခေါင်းဆောင်နှစ်ယောက်ကြား ဆက်ဆံရေး ပိုမို နီးစပ် နွေးထွေးလာခဲ့ပါတယ်။

အမေရိကန်က မြောက်ကိုရီးယားနဲ့ ရုရှားကြား ပူးပေါင်းဆောင်ရွက်မှုတွေ အရှိန်အဟုန် မြှင့်တင်လာနိုင်ခြေအတွက် စိုးရိမ်ကြောင်း ပြောပါတယ်။ အမေရိကန်က မြောက်ကိုရီးယားဟာ ယူကရိန်း စစ်ပွဲမှာ အသုံးပြုဖို့ စစ်လက်နက် အသစ်တွေကို ရုရှားအတွက် ထောက်ပံ့လာနိုင်တယ်လို့ စွပ်စွဲထားသလို အဲဒီလုပ်ရပ်ဟာ ကုလသမဂ္ဂ လုံခြုံရေး ကောင်စီက မြောက်ကိုရီးယားအပေါ် ပိတ်ဆို့ အရေးယူမှုတွေအပေါ် အတိအလင်း ကျူးလွန် ချိုးဖောက်မှု ဖြစ်လာမယ်လို့ သတိပေးထားပါတယ်။

Public Service Announcement

Public Service Announcement

ရုရှားအစိုးရ ရုံးစိုက်ရာ ကရင်မလင် နန်းတော်ဖက်ကတော့ ပူတင်ရဲ့ ပြုံယမ်း ခရီးစဉ်ဟာ ချစ်ကြည်ရေး နိုင်ငံတော် ခရီးစဉ် တစ်ခုသာ ဖြစ်တယ်လို့ ထုတ်ပြန်ပြီး အမေရိကန်ရဲ့ စိုးရိမ်မှုတွေနဲ့ ပတ်သက်လို့ မသိမသာ ပြက်ရယ်ပြုသွားခဲ့ပါတယ်။

ပူတင်ရဲ့ ပြုံယမ်း ခရီးစဉ်အတွင်း အိမ်ရှင်နိုင်ငံက ကင်မ်အီလ်ဆွန် ရင်ပြင်မှာ တခမ်းတနား ဂုဏ်ပြုဧည့်ခံ ကြိုဆိုဖွယ် ရှိပါတယ်။ ရုရှားမီဒီယာတွေရဲ့ ဖော်ပြချက်အရ နှစ်နိုင်ငံ ခေါင်းဆောင်တွေဟာ လုံခြုံရေး ကဏ္ဍ အပါအဝင် ပူးပေါင်းဆောင်ရွက်ရေး သဘောတူညီမှု စာချုပ်တစ်ခုကို လက်မှတ် ရေးထိုးသွားမယ်လို့လည်း သိရပါတယ်။

ပူတင်ဟာ ၂၀၁၉ ခုနှစ်တုန်းက တရုတ်သမ္မတ ရှီကျင့်ဖျင် ပြုံယမ်းကို အလည်အပတ် ရောက်ရှိစဉ်မှာ တည်းခိုခဲ့တဲ့ ကွမ်ဆူဆန် နိုင်ငံတော် ဧည့်ဂေဟာမှာပဲ နေထိုင်မယ်လို့လည်း သတင်းတွေ ထွက်နေပါတယ်။ ပူတင်ရဲ့ နှစ်ရက်ကြာ ခရီးစဉ်မှာ ကာကွယ်ရေး ဝန်ကြီးအသစ် အန်ဒရီ ဘီလူဆော့ဗ်၊ နိုင်ငံခြားရေး ဝန်ကြီး ဆာဂျီ လက်ဗ်ရော့ဗ်၊ ဒုတိယ ဝန်ကြီးချုပ် အလက်ဇန္ဒား နိုဗက်ခ်တို့လည်း ခြံရံ လိုက်ပါလာဖွယ် ရှိပါတယ်။

နောက်ဆုံးအကြိမ် ရုရှားမှာ နှစ်ဦး တွေ့ဆုံခဲ့တုန်းက ပူတင်ဟာ မြောက်ကိုရီးယားနဲ့ စစ်ရေး ပူးပေါင်း ဆောင်ရွက်မှုတွေ ရှိလာနိုင်ကြောင်း အရိပ်အမြွက် မှတ်ချက် ပေးခဲ့ဖူးပြီး ကင်မ်ကလည်း ယူကရိန်း စစ်ပွဲကို အနိုင်ရစေဖို့ ရုရှားအတွက် ဆန္ဒပြုပေးခဲ့ဖူးပါတယ်။

ကိုးကား: BBC⁩

ဆက်စပ်သတင်းများ

နိုင်ငံတကာ

ကရင်မလင် နန်းတော်မှာ ပူတင်နဲ့ ဆွေးနွေးပြီးတဲ့နောက် သတင်းထောက်တွေနဲ့ တွေ့ဆုံချိန်မှာ အော်ဘန်က သူဟာ ဥရောပတိုက်က ငြိမ်းချမ်းရေးကို လိုအပ်နေတယ်ဆိုတာ ပူတင်ဆီ အသိပေး ရှင်းပြခဲ့တယ်လို့ ပြောကြားသွားပါတယ်။

နိုင်ငံတကာ

ကွဲထွက်သွားတဲ့ ထိပ်ဖူးတွေဟာ လမ်းညွှန်ထားတဲ့အတိုင်း အမှားအယွင်းမရှိ ပျံသန်းပြီး စီစဉ်ထားတဲ့ ပစ်မှတ် ၃ ခုကို ထိမှန်ခဲ့တယ်လို့ မြောက်ကိုရီးယား အစိုးရပိုင် (KCNA) သတင်းဌာနက ထုတ်ပြန်ခဲ့ပါတယ်။

နိုင်ငံတကာ

မြောက်ကိုရီးယားဟာ ဟိုက်ပါဆောနစ် မြန်နှုန်းမြင့် ဒုံးကျည် တစ်စင်းကို စမ်းသပ် ပစ်ခတ်ခဲ့ပေမယ့် အောင်မြင်မှု မရဘဲ ဖြစ်ခဲ့ပုံ ပေါ်တယ်လို့ တောင်ကိုရီးယား စစ်တပ်က ထုတ်ပြန်ခဲ့ပါတယ်။ ဇွန်လ ၂၆ ရက်နေ့တုန်းက မြောက်ကိုရီးယား စမ်းသပ်ပစ်လွှတ်တဲ့ ဒုံးကျည်တစ်စင်းဟာ လေထဲမှာတင် ပေါက်ကွဲသွားခဲ့တယ်လို့ တောင်ကိုရီးယား ပူးပေါင်းစစ်ဆင်ရေး...

နိုင်ငံတကာ

လွန်ခဲ့တဲ့ ၇ လတုန်းကလည်း USS Carl Vinson ဦးဆောင်တဲ့ နောက်ထပ် အမေရိကန် CSG တစ်ခုဟာ မြောက်ကိုရီးယားကို ခြိမ်းခြောက် အင်အားပြဖို့အတွက် တောင်ကိုရီးယားမှာ ကမ်းကပ်ခဲ့ဖူးပါတယ်။