မြန်မာစစ်ကောင်စီအနေနဲ့ အကြမ်းဖက်မှုတွေ ချက်ချင်းအဆုံးသတ်ဖို့ အမေရိကန်သမ္မတဂျိုး ဘိုင်ဒင်က တောင်းဆိုလိုက်တယ်လို့ အိမ်ဖြူတော်က ဒီနေ့(အောက်တိုဘာ ၂၆ရက်) သတင်းထုတ် ပြန်ပါတယ်။
အမေရိကန်-အာဆီယံထိပ်သီးညီလာခံကို အွန်လိုင်းကနေ တက်ရောက်ခဲ့တဲ့ သမ္မတဘိုင်ဒင်က မြန်မာနိုင်ငံမှာ ကြောက်မက်ဖွယ်အကြမ်းဖက်မှုတွေနဲ့ စစ်အာဏာသိမ်းမှုကို အလွန်အမင်း စိုးရိမ် ကြောင်း ထည့်သွင်ပြောကြားတယ်လို့ အိမ်ဖြူတော်ရဲ့ထုတ်ပြန်ချက်မှာ ဖော်ပြပါတယ်။
မတရားဖမ်းဆီးထိန်းသိမ်းခံရသူတွေ ပြန်လွှတ်ပေးရေးနဲ့ မြန်မာနိုင်ငံ ဒီမိုကရေစီလမ်းကြောင်းပေါ် ပြန်သွားရေးတို့ကိုလည်း သမ္မတဘိုင်ဒင်က တောင်းဆိုပါတယ်။
ဒါ့အပြင် အာဆီယံခေါင်းဆောင်တွေရဲ့ဘုံဆုံးဖြတ်ချက် ၅ ရပ်ကို မြန်မာစစ်ကောင်စီက တာဝန်ခံ လုပ်ဆောင်ဖို့အဖွဲ့ဝင်နိုင်ငံတွေရဲ့ကြိုးပမ်းအားထုတ်မှုတွေကို ထောက်ခံကြောင်း အမေရိကန်သမ္မတက ထုတ်ဖော်ပြောဆိုပါတယ်။
Public Service Announcement
