'/%3E%3C/svg%3E){kind=small}
ဟန်နွေ/People’s Spring
အမျိုးသားညီညွတ်ရေးအစိုးရ ပြည်ထောင်စုဝန်ကြီးချုပ်နှင့် အဖွဲ့ဝင်များသည် ရန်ကုန် တပ်ရင်းများ၊ရန်ကုန်တိုင်း ပကဖတို့အား သွားရောက် တွေ့ဆုံအားပေးခဲ့ကြောင်း ပြည်ထောင်စုဝန်ကြီးချုပ်၏ ဖေစ်ဘွတ်ခ်စာမျက်နှာတွင် ယနေ့ ဇန်နဝါရီ ၁ရက်၌ ထုတ်ပြန်အသိပေးသည်။
ရန်ကုန်တပ်ရင်းများဖြစ်သော တပ်ရင်း(၅၁၀၁)၊ တပ်ရင်း(၅၁၀၂)နှင့် ရန်ကုန်တိုင်းပြည်သူ့ကာကွယ်ရေးအဖွဲ့(ပကဖ) တိုက်ခိုက်ရေးတပ်ဖွဲ့ (၄) တို့မှ ရဲဘော်များအား တွေ့ဆုံအားပေးခဲ့ကြောင်း ဖော်ပြထားပြီး သွားရောက်သည့်နေ့ရက်နှင့် နေရာဒေသကို ဖော်ပြမထားပေ။
ရဲဘော်များအား အားပေးစကားများပြောကြားပြီး လိုအပ်သည့် အသုံးအဆောင်ပစ္စည်းများကို ပေးအပ်ခဲ့ကြောင်းလည်း အသိပေးသည်။
Public Service Announcement
အဆိုပါ တပ်ရင်းတပ်ဖွဲ့များသည် ရန်ကုန်မြို့သို့ ဦးတည်သော စစ်ရေးဖော်ဆောင်မှုများတွင် အဓိကကျသည့် အခန်းကဏ္ဍများတွင် ပါဝင် ဆောင်ရွက်ကြမည့် တပ်ရင်းတပ်ဖွဲ့များဖြစ်ကြောင်း ထုတ်ပြန်သည်။
တွေ့ဆုံမှု ခရီးစဉ်တွင် ပြည်ထောင်စုဝန်ကြီးချုပ်နှင့်အတူ အလုပ်သမားရေးရာဝန်ကြီးဌာန ဒုဝန်ကြီး ဦးကျော်နီ၊ ပြည်ထောင်စုဝန်ကြီးချုပ်၏ ကိုယ်ရေးအရာရှိ ကိုနောင်ရိုး၊ ဝန်ကြီးချုပ်ရုံးအမြဲတမ်းအတွင်းဝန် ဒေါ်ကြည်ပြာ၊ ဝန်ကြီးချုပ်ရုံးပြောရေးဆိုခွင့်ရှိသူ ဦးနေဘုန်းလတ်၊ အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန ဒုစစ်ရေးချုပ် ဒေါက်တာယင်းမာ၊ တောင်ပိုင်းစစ်ဒေသ၊ ဒုစစ်ဒေသမှူး(၂)ရဲဘော်စောရှား၊ ရန်ကုန်ပကဖတာဝန်ခံ၊ မွန်ပကဖတာဝန်ခံ တို့လည်း လိုက်ပါခဲ့ကြောင်း ဖော်ပြသည်။
ပြည်ထောင်စုဝန်ကြီးချုပ်သည် PDFသင်တန်းကျောင်းများသို့ သွားရောက်ပြီး PDFများအဖြစ် တော်လှန်ရေး၌ ပါဝင်လာကြသည့် လူငယ်များကို ကျေးဇူးတင်ကြောင်း ပြောကြားခဲ့သည်ဟုဒီဇင်ဘာ ၃၁ရက်က သတင်းထုတ်ပြန်ထားသည်။
စစ်အာဏာရှင်များကြောင့် အောက်ကျနောက်ကျ ဖြစ်နေသည့် နိုင်ငံတော်ကို ပြန်လည်ထူထောင် တည်ဆောက်ရာတွင် လူငယ်များ၏ အားဖြင့် ဆောင်ရွက်ရမည်ဖြစ်၍ ရဲဘော်အချင်းချင်း အပြန်အလှန် စောင့်ရှောက်ကြရင်း စစ်ရေး ရည်မှန်းချက်များ အောင်မြင်အောင် ဆောင်ရွက် ရန်လည်း ဝန်ကြီးချုပ်က PDF သင်တန်းကျောင်းများသို့ သွားရောက်စဉ် ပြောကြားခဲ့သည်။
ဝန်ကြီးချုပ်အနေဖြင့် မည်သည့် နေရာဒေသသို့ သွားရောက်သည်ကို ဖော်ပြမထားသော်လည်း ဝန်ကြီးချုပ်၏ ခရီးစဉ်တွင် ကရင်၊ မွန်၊ တနင်္သာရီ ၊ ပဲခူး နယ်မြေများပါဝင်စုဖွဲ့ထားသည့် PDF တောင်ပိုင်းစစ်ဒေသမှ တပ်မှူးများလိုက်ပါခဲ့ကြသည်ကို တွေ့ရသည်။
