“တော်လှန်ရေးဘက်က အောင်မြင်မှုများလာလေလေ၊ သူတို့(စစ်ကောင်စီ)က လေကြောင်းတိုက်ခိုက်မှု ပိုများလာလေလေဖြစ်တယ်လို့ ပြောရမှာပါရှင့်”

စစ်​မြေပြင်က CDM ကထိက ​ဒေါ်ရတီအုန်းနဲ့​မေးမြန်းခန်း

မေးမြန်း- အီယိုရီ/People’s Spring

စစ်ကိုင်းတိုင်း၊ ကလေးမြို့က အစိုးရနည်းပညာအထက်တန်းကျောင်းမှာ ကထိက/ဌာနမှူး တာဝန်ထမ်းဆောင်ခဲ့တဲ့ ဒေါ်ရတီအုန်းဟာ စစ်တပ်အာဏာသိမ်းတာကို ဆန့်ကျင်ပြီး စစ်​ကောင်စီကိုအကြမ်းမဖက်အာဏာဖိဆန်မှု-CDM လုပ်ခဲ့ပါတယ် ။ ​

နွေဦး​တော်လှန်​ရေးကာလတစ်​လျှောက်လုံးမှာ စစ်ကိုင်းတိုင်းမှာလူသားချင်းစာနာထောက်ထားမှုအကူအညီပေးရေး လုပ်ငန်းတွေနဲ့ပြည်သူ​တွေကို အ​ခြေခံ ကျန်းမာရေးစောင့်ရှောက်မှု ပညာ​ပေးလုပ်ငန်း​တွေ ၊ကျန်းမာ​ရေး​စောင့်​ရှောက်မှုလုပ်ငန်းတွေကို မြေပြင်မှာနေထိုင်ပြီး လုပ်ကိုင်နေပါတယ်။

Public Service Announcement

မတ်လ၂၂ ရက်​နေ့မှာ ဂန့်​ဂေါမြို့နယ် ၊နှမ်းခါးရွာ ​ဆေး​ပေးခန်းကိုစစ်​ကောင်စီကဗုံးကြဲသတ်ဖြတ်မှု​ကြောင့် ​မိသားစုလိုက်သေဆုံးခဲ့တဲ့CDM ဆရာဝန်​ဒေါက်တာမြစိုး​အောင် ၊ဇနီး​ဒေါ်ခိုင်နှင်း​ဝေတို့ နဲ့ ရင်းနှီးခင်မင်ခဲ့တဲ့သူဖြစ်ပါတယ် ။ ​

ဒေါက်တာမြစိုး​အောင်တို့မိသားစုအ​ကြောင်း ၊ ဒီ​နောက်ပိုင်း စစ်တပ်ရဲ့​လေ​ကြောင်းတိုက်ခိုက်မှု​တွေပိုလုပ်လာတဲ့ အ​ခြေအ​နေ နဲ့ စစ်​ဘေး​ရှောင်​တွေရဲ့အခက်အခဲ ၊ အခက်အခဲ​မျိုးစုံကြားက စစ်အာဏာရှင်ဆန်ကျင်​ရေးကို ဘယ်လိုလုပ်ကိုင်​နေလဲ ၊ ဗုံးခိုကျင်း​တွေရဲ့အ​ရေးပါမှု ၊ စစ်​မြေပြင်က​နေ နိုင်ငံတကာ နဲ့ ​ ပြည်သူ​တွေကို သတင်းစကားပါးချင်တာ​တွေကို ​ဒေါ်ရတီအုန်းအား People’s Spring က ဆက်သွယ်​မေးမြန်းထားပါတယ် ။