ကွမ်းခြံကုန်းမြို့နယ်၊ အင်္ဂလုံးကျေးရွာအနီးလမ်းမပေါ်ကင်းလှည့်လာသောအာဏာသိမ်းစစ်ကောင်စီကားကိုတိုက်ခိုက်ခဲ့ရာ စစ်ကောင်စီတပ်သား ၇ ဦး သေဆုံးပြီး ၁၃ ဦးဒဏ်ရာ ရရှိခဲ့ကြောင်း ရန်ကုန်တိုင်းစစ်ဒေသခွဲကွပ်ကဲရေးအဖွဲ့က ယနေ့(နိုဝင်ဘာ၆ ရက်)သတင်းထုတ်ပြန်သည်။
စစ်ကောင်စီတပ်သား အင်အား ၂၅ ဦးခန့် ပါသောစစ်ကားကို လျှပ်တပျက်တိုက်ခိုက် မှုမှာ နိုဝင်ဘာ ၅ ရက် ည ၁၀ နာရီဝန်းကျင်တွင်ဖြစ်ပြီး အမျိုးသားညီညွတ်ရေးအစိုးရ(NUG) ၊ကာကွယ်ရေးဝန်ကြီးဌာနလက်အောက်ရှိ ပြည်သူ့ကာကွယ်ရေးတပ်ဖွဲ(PDF) ၏ရန်ကုန်တိုင်းစစ်ဒေသခွဲကွပ်ကဲရေးအဖွဲ့က “ပျံလွှားအောင်” ဟုအမည်ပေးထားသောစစ်ဆင်ရေး၏ အစိတ်အပိုင်းတစ်ရပ်သာဖြစ်သည်ဟုလည်းထုတ်ပြန်ချက်တွင်ဖော်ပြထားအသိပေးသည်။
အဆိုပါတိုက်ခိုက်မှုနှင့် ပတ်သပ်၍စစ်ကောင်စီ၏ သတင်းနှင့်ပြန်ကြားရေးအဖွဲ့ကမှန်ကန်ကြောင်း BBC သို့ ဖြေကြားထားသည်။သို့သော် သေဆုံး ထိခိုက်မှုကိုမူ ပြောကြားထားခြင်းမရှိပေ။
စစ်ဆင်ရေးဆောင်ရွက်ခဲ့သော တော်လှန်ရေး ရဲဘော်များအားလုံး ဘေးကင်းလုံခြုံမှု ရှိပြီဖြစ် ကြောင်းလည်း ရန်ကုန်တိုင်းစစ်ဒေသခွဲကွပ်ကဲရေးအဖွဲ့က ထုတ်ပြန်သည်။ထိုအပြင် ယခုထက်ကြီးမားသော စစ်ရေးတိုက်ခိုက်မှုများ ကို ရန်ကုန်တိုင်းစစ်ဒေသခွဲကွပ်ကဲရေးနယ်မြေအတွင်းတွင်ဆက်လက်ပြုလုပ်သွားမည်ဟုလည်းတစ်ဆက်တည်ကြေညာ
ထားသည်။
Public Service Announcement
