အရပ်သားအစိုးရလက်ထက် ကချင်ပြည်နယ်လယ်ယာစိုက်ပျိုးရေးနှင့်ဆည်မြောင်းဝန်ကြီးလည်းဖြစ် ၊ဒီချုပ်ပါတီမှ ပြည်နယ်လွှတ်တော်အမတ်ဟောင်း ဦးကျော်ကျော်ဝင်း၏ မိုးညှင်းမြို့ရှိ နေအိမ်ကို အာဏာသိမ်းစစ်ကောင်စီက ချိတ်ပိတ်သိမ်းဆည်းလိုက်ကြောင်း ဒေသခံများကပြောသည်။
မိုးညှင်းမြို့ရှိ ဦးကျော်ကျော်မင်း၏ နေအိမ်ကိုအကြမ်းဖက်စစ်ကောင်စီက ယမန်နေ့(နိုဝင်ဘာ ၈)ညတွင် ချိတ်ပိတ်သွားသည်ဟု ဆိုသည်။
” ဦးကျော်ကျော်ဝင်းအိမ် ချိတ်ပိတ်သွားတယ်။ မနေ့ညက ပစ္စည်းတွေ ရွေ့တယ်။ စာကပ်သွားတယ်”
ဟု ဦးကျော်ကျော်ဝင်း၏ မိတ်ဆွေတစ်ဦးကပြောသည်။
ဦးကျော်ကျော်ဝင်းသည် ၂၀၁၅ ရွေးကောက်ပွဲတွင် ကချင်ပြည်နယ် အမှတ်(၂) မဲဆန္ဒနယ်တွင် အမျိုးသားဒီမိုကရေစီအဖွဲ့ချုပ်ပါတီ ကိုယ်စားပြု အနိုင်ရခဲ့ပြီး ဝန်ကြီး ဖြစ်လာခဲ့သူဖြစ်သည်။
Public Service Announcement
စစ်တပ်က အာဏာသိမ်းပြီးနောက် ဦးကျော်ကျော်ဝင်းအပါအဝင် ဒီချုပ်ပါတီကိုယ်စားပြု ကချင်ပြည်နယ်အစိုးရအဖွဲ့ဝန်ကြီးအချို့ဖမ်းဆီးခံခဲ့ရသည်။ ထို့နောက် ပြန်လွှတ်ပေးခဲ့ရာ ဝန်ကြီးအချို့ နောက်တစ်ကြိမ်ဖမ်းဆီးခံရသော်လည်း ဦးကျော်ကျော်ဝင်းသည် လွတ်မြောက်နယ်မြေသို့ ရောက်အောင် တိမ်းရှောင်နိုင်ခဲ့သည်။
