ရှမ်းပြည်နယ်တောင်ပိုင်း ဖယ်ခုံမြို့နယ် မိုးဗြဲမြို့တွင် စစ်ကောင်စီတပ်က လက်နက်ကြီးဖြင့် ပစ်ခတ်၍ ဒေသခံများ ထွက်ပြေးတိမ်းရှောင်နေကြရကြောင်း တိုးတက်သော ကရင်နီ ပြည်သူ့အင်အားစု(PKPF)က ထုတ်ပြန် သည်။
ယနေ့(နိုဝင်ဘာ ၉ရက်) ညပိုင်းတွင် မိုးဗြဲ ပေါ်ပိုင်း မြို့ဦး/စည်ကားဘက်သို့ လက်နက်ကြီး လက်နက်ငယ်များ ပစ်ခတ်သံကြားရ၍ ဒေသခံများ ထပ်မံစစ်ဘေးတိမ်း ရှောင်ရခြင်းဖြစ်သည်ဟု ဆိုသည်။
စစ်ကောင်စီတပ်မှ မိုးဗြဲမြို့ထဲ လက်နက်ကြီး ရမ်းသမ်းပစ်ခတ်နေ၍ ပြည်သူများ မလိုအပ်ဘဲ အိမ်ထဲမှ အပြင်မထွက်ကြရန် Mobye Rescue Teamက မေတ္တာရပ်ခံချက်ထုတ်ပြန်ထားသည်။ လက်နက်ကြီးထိမှန်ပါကလည်း ၎င်းတို့ထံဆက်သွယ်ရန် အသိပေးထားသည်။
အောက်တိုဘာလကုန်ပိုင်းက မိုးဗြဲမြို့တွင် စစ်ကောင်စီတပ်က လက်နက်ကြီးဖြင့် ရမ်းသမ်းပစ်ခတ်၍ ပြည်သူ ၂ဦး သေဆုံးပြီးကလေးအပါအဝင် ၂ဦးဒဏ်ရာရခဲ့သည်။ယင်းမတိုင်မီကလည်း စစ်ကောင်စီတပ်၏ လက်နက်ကြီးပစ်ခတ်မှုကြောင့် အမျိုးသမီးတစ်ဦး သေဆုံးပြီး ကလေး ၂ဦးအပါအဝင် ၅ဦးဒဏ်ရာရရှိခဲ့သည်။
Public Service Announcement
