'/%3E%3C/svg%3E){kind=small}
အကြမ်းမဖက်အာဏာဖီဆန်ရေးလှုပ်ရှားမှု(CDM)မှာ ပါဝင်ခဲ့တဲ့ နိုင်ငံ့ဝန်ထမ်းကောင်း အမှုထမ်း၊ အရာထမ်းအားလုံးကို နိုင်ငံနဲ့ ပြည်သူအပေါ် သစ္စာစောင့်သိကြတဲ့သူရဲကောင်းတွေအဖြစ် မှတ် တမ်းတင်ဂုဏ်ပြုတယ်လို့ အမျိုးသားညီညွတ်ရေးအစိုးရ NUG က ဒီနေ့(နိုဝင်ဘာ ၁၅ရက်)ထုတ်ပြန်ပါတယ်။
အကြမ်းဖက်စစ်ကောင်စီရဲ့ ရာထူးတိုးမြှင့်ရေးဆောင် ရွက်ချက်တွေ၊ စစ်အာဏာရှင်လက်အောက် ပြည်ပသင်တန်းနဲ့ ပညာတော်သင်သွားရောက်သူတွေရဲ့ ဘွဲ့ထူး၊ ဂုဏ်ထူးရယူခြင်းတွေနဲ့ပတ်သက်လို့ လုံး၀အသိအမှတ် ပြုမှာမဟုတ်ဘူးလို့ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာနက ထုတ်ပြန်ပါတယ်။
နောက်ပြီး ပြည်သူ့အစိုးရလက်ထက်တုန်းက နိုင်ငံ့ဝန်ထမ်းတွေကို ထုတ်ပေးခဲ့တဲ့ အတိုးမဲ့ချေးငွေတွေကို ပြန်ဆပ်ဖို့မလိုတဲ့ချီးမြှင့်ငွေအဖြစ်သတ်မှတ်ထားပြီး လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာနအောက်ရှိ ဝန်ထမ်းတွေအနေနဲ့ ၂ လစာ ချေးငွေကို ပြန်လည်ပေးဆပ်ဖို့မလိုဘူးလို့ ထပ်လောင်းအတည်ပြုပါတယ်။
တရားမဝင်အာဏာသိမ်းမှုနောက်ပိုင်း တရားမဝင်ခန့်အပ်ထားတဲ့ ဝန်ထမ်းအသစ်တွေအတွက် ထုတ်ယူထားတဲ့ လစာတွေနဲ့ ပြည်သူ့ဘဏ္ဍာတွေကို အလွဲသုံးစားပြုခြင်း၊ ပြန်လည်ပေးဆပ်ဖို့ မလိုတဲ့နိုင်ငံ့ဝန်ထမ်း အတိုးမဲ့ချေးငွေတွေကို ဖိအားပေးခြိမ်းခြောက်တောင်းခံခြင်းနဲ့ အာဏာ အလွဲသုံးစားပြုခြင်းတွေကို ကျူးလွန်သူတွေနဲ့အနေနဲ့ တာဝန်ယူ၊ တာဝန်ခံရမှာဖြစ်တယ်လို့ ထုတ်ပြန်ချက်မှာ ဖော်ပြပါတယ်။
Public Service Announcement
