စစ်ကိုင်းတိုင်း ခင်ဦးမြို့နယ်တွင် ညောင်ပင်ကြီးစုရဲစခန်းမီးရှို့ခံရပြီး စစ်ကူလာသောယာဥ်တန်းပါ မိုင်းဆွဲတိုက်ခိုက်ခံရကြောင်း ဒေသခံများက ပြောသည်။
ယနေ့ (နိုဝင်ဘာလ ၁၇ ရက်) မွန်းလွဲ ၁နာရီ ၅၀ မိနစ်ဝန်းကျင်က ခင်ဦးမြို့နယ် ညောင်ပင်ကြီးစုကျေးရွာရှိ နယ်မြေရဲစခန်း မီးရှို့ခံခဲ့ရပြီး ထိခိုက်သေဆုံးမှုအခြေ အနေနှင့် မည်သည့်အဖွဲ့ကပြုလုပ်သွားသည်ကို မသိရသေးကြောင်း ဒေသခံများက ပြောသည်။
(ပုံစာ – ခင်ဦးမြို့နယ် ညောင်ပင်ကြီးစု ရဲစခန်းကိုတော်လှန်ရေးအဖွဲ့များက မီးရှို့ခဲ့ကြသည်။)
ရဲစခန်းမီးရှို့ခံရပြီးနောက် ခင်ဦးမြို့ဘက်မှထွက်လာသော စစ်ကူလာသည့် အာဏာသိမ်းစစ်ကောင်စီတပ်ကား ၄ စီးပါ ယာဥ်တန်းသည် ခင်ဦးမြို့နယ်၊ မြင်းဒေါင်းကျေးရွာ စာသင်ကျောင်းအနီးတွင် မိုင်းဆွဲတိုက်ခိုက်ခံရပြီး တစ်စီး မိုင်းထိခဲ့ကြောင်း ခင်ဦးမြို့နယ် သတင်းမှန်ပြန်ကြားရေးက အသိပေးသည်။
“မိုင်းမထိတဲ့သုံးစီးကတော့ ခင်ဦးဘက်ပြန်လှည့်ထားတယ်။ ရမ်းသမ်းပစ်နေတယ်”ဟု ဒေသခံတစ်ဦးက ပြောသည်။
Public Service Announcement
