ခင်ဦးမြို့နယ် ညောင်ပင်ကြီးစုရဲစခန်းမီးရှို့ခံရ၊စစ်ကူလာ​သောစစ်ယာဥ်တန်းပါ မိုင်းဆွဲခံရ

စစ်ကိုင်းတိုင်း ခင်ဦးမြို့နယ်တွင် ညောင်ပင်ကြီးစုရဲစခန်းမီးရှို့ခံရပြီး စစ်ကူလာသောယာဥ်တန်းပါ မိုင်းဆွဲတိုက်ခိုက်ခံရကြောင်း ဒေသခံများက ပြောသည်။

ယနေ့ (နိုဝင်ဘာလ ၁၇ ရက်) မွန်းလွဲ ၁နာရီ ၅၀ မိနစ်ဝန်းကျင်က ခင်ဦးမြို့နယ် ညောင်ပင်ကြီးစုကျေးရွာရှိ နယ်မြေရဲစခန်း မီးရှို့ခံခဲ့ရပြီး ထိခိုက်သေဆုံးမှုအခြေ အနေနှင့် မည်သည့်အဖွဲ့ကပြုလုပ်သွားသည်ကို မသိရသေးကြောင်း ဒေသခံများက ပြောသည်။

ရဲစခန်းမီးရှို့ခံရပြီးနောက် ခင်ဦးမြို့ဘက်မှထွက်လာသော စစ်ကူလာသည့် အာဏာသိမ်းစစ်​ကောင်စီတပ်ကား ၄ စီးပါ ယာဥ်တန်းသည် ခင်ဦးမြို့နယ်၊ မြင်းဒေါင်းကျေးရွာ စာသင်ကျောင်းအနီးတွင် မိုင်းဆွဲတိုက်ခိုက်ခံရပြီး တစ်စီး မိုင်းထိခဲ့ကြောင်း ခင်ဦးမြို့နယ် သတင်းမှန်ပြန်ကြားရေးက အသိပေးသည်။

“မိုင်းမထိတဲ့သုံးစီးကတော့ ခင်ဦးဘက်ပြန်လှည့်ထားတယ်။ ရမ်းသမ်းပစ်နေတယ်”ဟု ဒေသခံတစ်ဦးက ပြောသည်။

Public Service Announcement