'/%3E%3C/svg%3E){kind=small}
ဩဂုတ်၂၊၂၀၂၅။လူအေး/People’s Spring
ကွတ်ခိုင်မြို့အား စစ်ကောင်စီက လေကြောင်းတိုက်ခိုက်မှုတွင် ထိခိုက်သေဆုံးသူများအတွက်ထောက်ပံ့ကြေးကို ကိုးကန့် တပ်မတော်(MNDAA) က ပေးအပ်ခဲ့ပြီး လူထုများဘေးကင်းလုံခြုံရေးအတွက် လိုအပ်သော အစီအစဥ်များချမှတ်သွားမည်ဟု ထုတ်ပြန်ကြေညာသည်။
ဇူလိုင် ၃၀ရက် နံနက်က ကွတ်ခိုင်မြို့ ရပ်ကွက် နှစ်ရှိ ရာစုသစ်ဟိုတယ်(၂) အနီးကို စစ်ဆကာင်စီတပ်က ဗုံးကြဲရာ အရပ်သား (၇) ဦးသေဆုံး၊ (၁၃) ဦးဒဏ်ရာရခဲ့ပြီးဒဏ်ရာရရှိသူများတွင် အသက် ၂၀အရွယ် တရုတ်နိုင်ငံသားတစ်ဦး ပါဝင်ခဲ့သည်။
စစ်တပ် လေကြောင်းတိုက်ခိုက်မှုကြောင့် ထိခိုက်သူများအား MNDAAက ထောက်ပံ့ကြေးပေးနေစဉ်။ ဓာတ်ပုံ – The Kokang 
စစ်တပ် လေကြောင်းတိုက်ခိုက်မှုကြောင့် ထိခိုက်သူများအား MNDAAက ထောက်ပံ့ကြေးပေးနေစဉ်။ ဓာတ်ပုံ – The Kokang စစ်တပ် လေကြောင်းတိုက်ခိုက်မှုကြောင့် ထိခိုက်သူများအား MNDAAက ထောက်ပံ့ကြေးပေးနေစဉ်။ ဓာတ်ပုံ – The Kokang
သေဆုံးသူတစ်ဦးလျှင် ကျပ်(၁၆သိန်း ၊ ပြင်းထန်ဒဏ်ရာရသူ တစ်ဦးလျှင် ကျပ် ၁၀ သိန်းစီ ထောက်ပံ့ကြေးပေးခဲ့ပြီး ဒဏ်ရာရသူအချို့သည် အရေးပေါ်ကုသမှုခံယူနေရဆဲဟု MNDAA က ယနေ့ ဩဂုတ်လ ၂ရက် ထုတ်ပြန်ထားသည်။
Public Service Announcement
အသေးစိတ်အသိပေးထားခြင်းမရှိသော်လည်း ဒေသခံပြည်သူလူထုဘေးကင်းလုံခြုံစေရန် လိုအပ်သော အစီအစဥ်များချမှတ် ဆောင်ရွက်သွားမည်ဖြစ်ကြောင်းဖော်ပြထားသည်။
စစ်ကောင်စီက ဇူလိုင် ၃၁ရက်တွင် ထုတ်ပြန်ခဲ့သည့် အရေးပေါ်အခြေ အနေကြေညာချက်ပါ ၆၃မြို့နယ်တွင် ကွတ်ခိုင်မြို့လည်းပါဝင်နေပြီး ဒေသခံများသည် လေကြောင်းအန္တရာယ်ကိုစိုးရိမ်နေကြသည်။
ကွတ်ခိုင်မြို့အား စစ်ကောင်စီက လေကြောင်းတိုက်ခိုက်မှုသည် တရုတ်အစိုးရ၏စေ့စပ်ညှိနှိုင်းမှုများဖြင့်ခက်ခဲစွာရရှိထားသည့် အပစ်ရပ်သဘောတူညီချက်ကို ပြင်းထန်စွာ ချိုးဖောက်လိုက်ခြင်းဖြစ်ပြီး နှစ်ဖက်ယုံကြည်မှုကို ထိခိုက်စေကာရှမ်းပြည်မြောက်ပိုင်း၌ တိုက်ပွဲများပြန်ဖြစ်နိုင်ခြေကို အရှိန်မြင့်လိုက်ခြင်းဖြစ်ကြောင်းMNDAAက သတင်းထုတ်ပြန် ထားသည်။
MNDAA ဘက်မှ ထိန်းသိမ်းနိုင်စွမ်းကို ဆက်လက်ထိန်းသိမ်းထားဆဲဟုအသိပေးထားသည်။
ရှမ်းပြည်နယ်မြောက်ပိုင်း ကွတ်ခိုင်မြို့ကို ၁၀၂၇ စစ်ဆင်ရေးနှင့်အတူ တအာင်း အမျိုးသားလွတ်မြောက်ရေးတပ်မတော်(TNLA)က သိမ်းယူခဲ့ပြီး ကချင်လွတ်လပ်ရေးတပ်မတော်(KIA)နှင့် MNDAAလည်း တပ်စွဲထားသည်။
