ဒီဇင်ဘာ-၉၊၂၀၂၅၊ရှိန်း/ People’s Spring
မနက်ဖြန်မှာ ဈေးဆိုင်ပိတ်မယ့်သူတွေကို ချိတ်ပိတ်ကာ ဖမ်းဆီးထောင်ချမယ်လို့ ဈေးတွေမှာ စစ်အုပ်စုနဲ့ပျူစောထီးတွေက လိုက်လံ ခြိမ်းခြောက်နေတယ်လို့ မန္တလေးမြို့ခံတွေက ပြောပါတယ်။
တနိုင်ငံလုံး အတိုင်းအတာနဲ့အသံတိတ်သပိတ်လုပ်မယ်လို့ သပိတ်ခေါင်းဆောင်တွေ ကြေညာထားတဲ့ မန္တလေးမြို့က ဈေးတွေမှာ ဒီနေ့ မနက်ပိုင်းကစပြီး ဈေးသည်တွေကို ဓာတ်ပုံလိုက်ရိုက်ကာ မနက်ဖြန်မှာ ယခုအတိုင်း ဈေးဖွင့်ဖို့ လိုက်ပြော နေတယ်လို့ မြို့ခံတွေက ပြောပါတယ်။
“စည်ပင်တွေက လာပြောတာ။ပုံမှန်အတိုင်း ဖွင့်ကြဖို့။မဖွင့်လို့ တခုခုဖြစ်ရင်ဘယ်သူမှ လာမကယ်နိုင်ဘူး။သူများပြော စကား တွေနား မယောင်ကြဖို့ ဆိုပြီး ပြောတယ်”လို့ ဈေးချိုတော်အနီး ဈေးတခုက ဈေးသည်တဦးက ပြောပါတယ်။
Public Service Announcement
ဒါ့အပြင် ဈေးချိုပတ်ဝန်းကျင်က ဆိုင်ခန်းတွဲတွေမှာလည်း ပိတ်တဲ့သူများရင် တဈေးလုံးကိုအပြီးပိတ်ပစ်မယ်လို့ စစ်တပ်က ပြောတယ်လို့ ဈေးဝန်ထမ်းက လာပြောကြောင်း ဈေးသည်တချို့က ပြောပါတယ်။
ဈေးချိုပတ်ဝန်းကျင်မှာတော့ အရပ်ဝတ်၊ယူနီဖောင်းဝတ် စည်ပင်တွေ လုံခြုံရေးယူနေဆဲလို့ သိရပါတယ်။
စစ်တပ်က ယခုလိုလိုက်ပြောတာဟာ ဈေးကြီးတွေတင်မဟုတ်ဘဲ ရပ်ကွက်ဈေးတွေအထိလိုက်ပြောနေတာလို့ သိရပါတယ်။
