အင်းတော်မှာ စစ်တပ် ထောင်ထားတဲ့မိုင်းပေါက်ကွဲလို့ အရပ်သား ထိခိုက်သေဆုံး

မေ-၁၃၊ ၂၀၂၆။ မိထက်/People’s Spring

အာဏာသိမ်းစစ်တပ်က အင်းတော်မြို့နယ်မှာ အရပ်သားတွေရှိတဲ့ ကျေးရွာတွေအနီး မြေမြှုပ်မိုင်းတွေထောင်ထားတာကြောင့် ဒီရက်ပိုင်းမှာပဲ မိုင်းပေါက်ကွဲလို့ ဒေသခံတစ်ဦးသေဆုံးပြီး နှစ်ဦးဒဏ်ရာအပြင်းအထန်ရရှိသွားပါတယ်။

စစ်ကိုင်းတိုင်း၊ အင်းတော်မြို့နယ် နဘားကြီးရွာမှာ တောင်ယာလုပ်ငန်းခွင်ဝင်နေတဲ့ အမျိုးသားသုံးဦး မိုင်းနင်းမိတာလို့ သိရပါတယ်။

“စစ်တပ်က မြို့ထဲမှာ အခိုင်အမာတပ်စွဲထားပြီး ရွာတွေဘက်မှာ မိုင်းတွေ လိုက်ထောင်ထားတယ်။ ကန့်ကွက်မရဲဘူး။ ကန့်ကွက်ရင် ဖမ်းမှာ။ ဟိုတနေ့က မိုင်းကွဲတော့လည်း လာကြည့်ပြီး ပြန်သွားတာပဲ။ မိုင်းတွေက ကျန်နေသေးတယ်”လို့ ဒေသခံတစ်ဦးက ဒီနေ့ မေလ ၁၃ရက် မနက်ပိုင်းမှာ ပြောပါတယ်။

Public Service Announcement

အဲ့ဒီဖြစ်စဉ်မှာ သေဆုံးသူတစ်ဦးကို ရွာမှာပဲ သင်္ဂြိုလ်ခဲ့ပြီး ဒဏ်ရသူနှစ်ဦးကို မြစ်ကြီးနားဆေးရုံဆီ ပို့ဆောင်ကာ ကုသနေတယ်လို့ သိရပါတယ်။

အင်းတော်မြို့ကို ကချင်လွတ်လပ်ရေးတပ်မတော်(KIA)၊ ကျောင်းသားတပ်မတော်(ABSDF)နဲ့ PDF ပူးပေါင်းတပ်တွေက ၂၀၂၅ ဧပြီ ၇ရက်မှာ သိမ်းယူခဲ့တာကနေ ပြီးခဲ့တဲ့ ဧပြီမှာတော့ စစ်တပ်က ပြန်ထိန်းချုပ်ခဲ့တာပါ။ အင်းတော်မြို့အနီး တိုက်ပွဲတွေဆက်ဖြစ်နေပေမယ့် စစ်တပ်က Non CDM ဝန်ထမ်းတွေကို ပို့ဆောင်ပြီး အုပ်ချုပ်ရေးယန္တရားလည်ပတ်ရေး ကြိုးပမ်းနေပါတယ်။