'/%3E%3C/svg%3E){kind=small}
မေ ၁၄၊ ၂၀၂၆။ထားမြတ်/People’s Spring
အာဏာသိမ်းစစ်တပ်က တပ်သား ၂ဦး အလင်းဝင်လာကြောင်း ပြည်သူ့ကာကွယ်ရေးတပ်မတော်(PDF)အမှတ်(၂)စစ်ဆင်ရေးနယ်မြေ၊ ပဲခူးတိုင်းစစ်ဌာန ၊ဗျူဟာ(၂၂)က သတင်းထုတ်ပြန်ပါတယ်။
စစ်တပ်က အဓမ္မစစ်သားစုဆောင်းထားတဲ့ ပြည်သူ့စစ်မှုထမ်း တပ်သားသစ် ၂ဦးဟာ ဗျူဟာ ၂၂ ကွပ်ကဲမှု အောက်ရှိ တပ်ရင်း (၃၈၀၁) တပ်ရင်း တပ်ခွဲ (၅)ထံ မေလ ၁၁ရက်မှာ လက်နက်မဲ့နဲ့ အလင်းဝင်လာတာလို့ ဆိုပါတယ်။
အလင်းဝင်လာသူ ၂ဦးဟာ စစ်မှုထမ်းအပတ်စဉ်(၂၂)က ဖြစ်ပြီး စစ်တပ်မှာ တာဝန်မထမ်းလိုတာကြောင့် ထွက်ပြေးလာတာလို့ အသိပေးပါတယ်။
Public Service Announcement
အခု အလင်းဝင်လာသူ ၂ဦး အပါအဝင် ၂၀၂၆ အတွင်းမှာ ဗျူဟာ (၂၂)တပ်ဖွဲ့တွေထံ အလင်းဝင်လာတဲ့ စစ်ကောင်စီတပ်သား ၈ဦးရှိကြောင်း ဗျူဟာ ၂၂ ဗျူဟာမှူး ရဲဘော်စောဂျိမ်းစ်က ပြောပါတယ်။
လက်ရှိ အချိန်မှာ စစ်ကောင်စီတပ်သားသစ်တွေအနေနဲ့ တော်လှန်ရေးနယ်မြေတွေမှာ အသေခံပြီး တိုးနေရ ဖိအားပေးခံရပြီး တိုက်ပွဲဝင်နေရတဲ့ အနေအထားဖြစ်ကြောင်း ရဲဘော်စောဂျိမ်းစ်က ပြောပါတယ်။
“ဒီအချိန်ကာလက သူတို့အတွက် ကျနော်တို့ဆီကို လာရောက်ပူးပေါင်းဖို့ခိုလှုံဖို့ အခွင့်ကောင်းလည်းဖြစ်တယ်။ ဒါကြောင့်မို့လို့ ကျနော်တို့ဆီကို လာရောက်ပြီး ပူးပေါင်းခိုလှုံဖို့ ဖိတ်ခေါ်တယ်” လို့ ရဲဘော်စောဂျိမ်းစ်က ပြောပါတယ်။
ဒ့ါအပြင် လူငယ်တွေအပါအဝင် ပြည်သူတွေအနေနဲ့ စစ်ကောင်စီတပ်ရဲ့ အဓမ္မ စစ်သားစုဆောင်းမှု မခံရစေရေး စစ်ကောင်စီနဲ့ ဝေးရာနေဖို့ သတိနဲ့ သွားလာကြဖို့လည်း ဗျူဟာ (၂၂) ဗျူဟာမှူးက ပြောပါတယ်။
အာဏာသိမ်းစစ်တပ်ရဲ့ စနစ်ဆိုး စစ်ကျွန်အောက်မှာ ရှိနေကြတဲ့ စစ်ကောင်စီ တပ်ဖွဲ့ဝင်တွေအနေနဲ့ ဗျူဟာ (၂၂)နဲ့ ဗျူဟာ (၂၂) ကွပ်ကဲမှု အောက်ရှိ တပ်ရင်း တပ်ခွဲ များ ထံ ဆက်သွယ် ပြည်သူရင်ခွင့်ခိုလှုံနိုင်ကြောင်း ဖိတ်ခေါ်ထားပြီး လက်နက်ခဲယမ်းပါရင်ထိုက်တန်စွာချီးမြှင့် ဂုဏ်ပြုမယ်လို့ အသိပေးထားပါတယ်။
