မေ ၁၈၊ ၂၀၂၆။ ထားမြတ်/People’s Spring
ပဲခူးတိုင်း နတ်တလင်းမြို့နယ်က စစ်ရှောင်ပြည်သူတွေကို တစ်အိမ်ထောင် ကျပ် ၂သိန်း ၁သောင်းနှုန်းဖြင့် အိမ်ထောင်စု ၄၀၀ ကျော် ထောက်ပံ့ ပေးခဲ့ကြောင်း ပြည်သူ့ကာကွယ်ရေးတပ်မတော်(PDF) ပဲခူးတိုင်း စစ်ဌာန ဗျူဟာ (၂၂) က ထုတ်ပြန်ပါတယ်။
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန စီမံမှု၊ ပြည်တွင်း/ပြည်ပ ထောက်ပို့အလှူရှင်တွေ လှူဒါန်းလာတဲ့ ထောက်ပို့ငွေများအား နတ်တလင်းမြို့နယ်ရှိ စစ်ဘေးရှောင်မိသားစုများထံ ထောက်ပံ့ပေးအပ်ခဲ့တာ ဖြစ်ပြီး အခုတစ်ကြိမ်မှာ အိမ်ထောင်စု ၄၁၅ စုအတွက် ကျပ်သိန်း ၈၀၀ ကျော် ပံ့ပိုးပေးခဲ့တာလို့ အသိပေးပါတယ်။
နတ်တလင်းမြို့နယ်မှာ စစ်ဘေးရှောင် အိမ်ထောင်စုပေါင်း (၃၀၀၀) ကျော်ရှိလို့ ကျန် အိမ်ထောင်စုတွေ ဆက်လက်ကူညီပေးနိုင်ဖို့ ဝန်းရံ ထောက်ပံ့ ပေးကြဖို့လည်း မေတ္တာရပ်ခံထားပါတယ်။
Public Service Announcement
အခု ထောက်ပံ့မှုကို စစ်ရှောင်ပြည်သူများလက်ဝယ် အမြန်ဆုံးရောက်ရှိ ဖြန့်ဝေပေးနိုင်ရန်အတွက် အားဖြည့်ပါဝင်ပေးခဲ့ကြတဲ့ ဗျူဟာ (၂၂) ကွပ်ကဲမှုအောက်ရှိ (၃၈၀၁) တပ်ရင်း၊ ပကဖတပ်ဖွဲ့ဝင် များနဲ့ ထောက်ပို့အလှူရှင်များ အယောက်စီတိုင်းကို ကျေးဇူးတင်ကြောင်းလည်း ဗျူဟာ (၂၂) က ထုတ်ပြန်ထားပါတယ်။
နတ်တလင်းမြို့နယ်မှာ စစ်တပ် စစ်ကြောင်းဝင်ရောက်စဉ် ဒေသခံနေအိမ်တွေကို မီးရှို့တာ ဖမ်းဆီးသတ်ဖြတ်တာတွေ ကျူးလွန်ခဲ့လို့ ပြည်သူအများအပြား စစ်ရှောင်နေကြရတာပါ။ စစ်ရှောင်ပြည်သူတွေကို အရင်ကလည်း ပံ့ပို့မှုအချို့ ပြုလုပ်ခဲ့ကြောင်း ဒေသခံ ကာကွယ်ရေးတပ်တွေက အသိပေးထားပါတယ်။
ဒေသခံ ကာကွယ်ရေးတပ်တွေနဲ့ အမျိုးသားညီညွတ်ရေးအစိုးရ လူသားစာနာ ထောက်ထားရေး ဦးစီဌာနတို့ ပူးပေါင်းပြီး လူထုတွေကို ဆန်ရိက္ခာ ပေးတာတွေ ပြုလုပ်ခဲ့ပါတယ်။
