ဇွန်၂၅၊၂၀၂၆၊ကတ်သရင်းနှင်း၊People’s Spring
စစ်ကိုင်းတိုင်း၊အရာတော်မြို့နယ်၊ငွေတွင်းပျူစောထီးရွာနဲ့ အမှတ်(၁၀)စစ်လေ့ကျင့်ရေးတပ် (စခတ-၁၀)ကြားမှာ ဖြစ်ပွားတဲ့ တိုက်ပွဲအတွင်း တော်လှန်ရေးရဲဘော် ၁၀ဦး ကျဆုံးခဲ့ရတယ်လို့ တော်လှန်ရေးတပ်တွေက ပြောပါတယ်။
ဇွန်လ၂၄ရက် မနေ့က မနက် ၄ နာရီလောက်မှာ ငွေတွင်းပျူစောထီးရွာကနေ စခတ(၁၀)ကို ရိက္ခာသယ်ဖို့ ထွက်လာတဲ့ အင်အား၄၀ကျော်ပါ စစ်ကြောင်းကို တော်လှန်ရေးတပ်တွေကကြားဖြတ်တိုက်ခိုက်ရာကနေ တိုက်ပွဲဖြစ်ခဲ့တယ်လို့ သိရပါတယ်။
တိုက်ပွဲဖြစ် နေစဉ်မှာ စခတ(၁၀က)နေ စစ်ကြောင်းထွက်လာပြီး တော်လှန်ရေးတပ်တွေကို အနောက်ဘက်ကနေ ဝင်တိုက်ချိန်မှာ အကျဆုံးများခဲ့တာလို့ သိရပါတယ်။
Public Service Announcement
“ကိုယ့်ဘက်ကို သတင်းကြိုရလို့သွားတိုက်တာကို ဟိုဘက်က ပြန်ဝိုင်းခံလိုက်ရတာ”လို့ တော်လှန်ရေးရဲဘော် တစ်ဦးက ပြောပါတယ်။
ကျသွားတဲ့ တော်လှန်ရေး ရဲဘော်ဟာ မုံရွာခရိုင်တပ်ရင်းနှစ်ခုက ရဲဘော် တွေဖြစ်တယ်လို့ သိရပါတယ်။
ဇွန်လ ၁၂ရက်ကလည်း စစ်ကိုင်းတိုင်း၊ ဘုတလင်မြို့နယ်၊အရှေ့မြောက်ခြမ်းကို မုံရွာခရိုင်တပ်ရင်းတခုရဲ့သင်တန်းကွင်းသတင်းပေါက်ပြီး စစ်တပ်က လေယာဉ် ၇စီးနဲ့ ဗုံးကြဲတိုက်ခိုက်ခဲ့ရာ ရဲဘော်၁ ဦးကျဆုံးကာ ၅ဦး ဒဏ်ရာရခဲ့ပါတယ်။
