အင်းတော်နဲ့ ကောလင်းမှာ စစ်တပ်ကနှစ်ဖက်ပိတ်စစ်ကြောင်းထိုးဖို့ကြိုးစား​နေပြီးတိုက်ပွဲဆက်တိုက်ဖြစ်နေ

ဇူလိုင်-၃၊၂၀၂၆။ကတ်သရင်းနှင်း/People’s Spring

စစ်ကိုင်းတိုင်း၊အင်း တော်မြို့နယ်၊မဲဇာတောင်နဲ့ ကောလင်းမြို့နယ်ကထွက်လာတဲ့ စစ်တပ်စစ်ကြောင်းတွေချိတ်ဆက်ဖို့ကြိုးစား နေပြီး တိုက်ပွဲ တွေ ဆက်တိုက်ပြင်းထန် နေတယ်လို့ ဒေသခံတွေကပြောပါတယ်။

အင်းတော်မြို့နယ်၊အနောက်ခြမ်းကို ထိုးစစ်ဆင်နေတဲ့ အာဏာသိမ်းစစ်တပ်စစ်ကြောင်းက ​ရှေ့ဆက်တိုး​နေပြီး မဲဇာတောင်ခြေအထိ ရောက်လာတယ်လို့ ဒေသခံတွေကပြောပါတယ်။

တဖက်မှာလည်း ကောလင်းမြို့ နဲ့ ဝန်းသိုမြို့ (ခမရ ၁၁၁)ကနေ စစ်ကြောင်းတွေထွက်လာပြီး နှစ်ဖက်ပိတ်ပြီး စစ်ကြောင်း‌‌ထိုးနေတဲ့အ​ခြေအ​နေလို့ ​ဒေသခံအချို့က​ပြောပါတယ်။

Public Service Announcement

အဲဒီစစ်ကြောင်းလည်းမဲဇာတောင်ဘက်ကိုဦးတည်စစ်ကြောင်းထိုးနေတာလို့ ​ဒေသခံအချို့ကဆိုပါတယ်။

“စကစဘက်က အင်အား တော်တော်ဖြည့်လာတာတွေ့ရတယ်။ရွာတွေအများစုလည်း ရှောင် နေရတယ်။ဒီမတိုင်ခင်မှာစစ်တပ်ဘက်က မန္တလေးတို့ ၊ရှမ်းမြောက်‌‌တို့ကနေစစ်ကားတွေ နဲ့ အင်အားတွေလည်း ဖြည့်တယ်။တိုက်ပွဲသံ တွေက ဆက်တိုက်ကြားနေရတာ”လို့ ဒေသခံတဦးက ပြောပါတယ်။

ဇွန်လနောက်ဆုံးပတ်ကတည်းကတိုက်ပွဲတွေပြန်လည်ဖြစ်ပွား​နေပြီး စစ်တပ်က အင်းတော် မြို့နယ်ကို အလုံးစုံ စိုးမိုးဖို့ကြိုးစား နေတာလို့ ဒေသခံ တွေကသုံးသပ်ပြောကြားပါတယ်။

တိုက်ပွဲတွေကြောင့်မန္တလေး-မြစ်ကြီးနားလမ်းမှာလည်း ကားအစီး ရေ ရာနဲ့ချီပိတ်မိနေ တယ်လို့ ​ဒေသခံအချိုက​​ပြောပါတယ်။