မိနစ်ရှစ်ဆယ်နီးပါးအထိ၂ ဂိုးပြတ်ရှုံး​နေရာမှ ​အံအားသင့်ဖွယ်အနိုင်ရခဲ့တဲ့အာဂျင်တီးနား

ဇူလိုင်-၇၊၂၀၂၆။People’s Spring

ကမ္ဘာ့ချန်ပီယံ အာဂျင်တီးနားဟာ အီဂျစ်ကို ၇၈ မိနစ်အချိန်ထိ၂ ဂိုး-ဂိုးမရှိနဲ့ရှုံး​​​နေရာမှ အံအားသင့်ဖွယ် ​လေးမိနစ်အတွင်း ၂ ဂိုးပြန်သွင်းပြီး အချိန်ပိုမှာ အနိုင်ဂိုးသွင်းကာ ကွာတားဖိုင်နယ်ကိုတက်​ရောက်သွားပါတယ်။

အာဂျင်တီးနားက​ဘောလုံးပိုင်ဆိုင်မှုသာ​ပေမယ့် အီဂျစ်ကခံစစ်ကိုပိတ်ပြီး​ကောင်တာကစားကွက်နဲ့ ကစာတာမှာ အာဂျင်တီးနားအခက်​တွေ့ခဲ့ပါတယ်။ပွဲအစ ၁၅ မိနစ်မှာ အီဂျစ်က ပြစ်ဒဏ်​ဘောမှတဆင့် အီဗရာဟင်က အဖွင့်ဂိုးစသွင်းခဲ့ပါတယ်။

​၅ မိနစ်အကြာမှာအာဂျင်တီးနား​​ပင်နယ်တီရပြီး မက်ဆီကန်သွင်းချက်ကို အီဂျစ် ဂိုးသမားကာကွယ်နိုင်ခဲ့ပါတယ် ။ဒီ​နေ့ပွဲမှာ အီဂျစ်ဂိုးစမားအထူးလက်စွမ်းပြခဲ့ပြီး ဂိုးကန်သွင်းမှုများစွာကို ကာကွယ်နိုင်ခဲ့ပါတယ်။

Public Service Announcement

၅၈ မိနစ်မှာ အီဂျစ်က ​ကောင်တာကတစ်ဆင့်ဂိုးထပ်ရ​ပေမယ့် အီဂျစ်ကွင်းဘက်ခြမ်းမှာ မာတီနက်စ်အ​ပေါ် ပြစ်ဒဏ်ကျူးလွန်တာကို VAR ပြန်ကြည့်ပြီး ဂိုးကိုပြန်ပယ်ဖျက်ခဲ့ပါတယ်။အာဂျင်တီးနား ​ချေပဂိုးရဖို့ တိုက်စစ်ဆင်​နေရင်း ၆၇ မိနစ်မှာ ​အာဂျင်တီးနား​ထောင့်ကန်​ဘောကိုဖျက်ရာမှ​ ကောင်တာမှတဆင့် အီဂျစ်ကဒုတိယဦး​ဆောင်ဂိုးသွင်းယူလိုက်ပါတယ်။

အီဂျစ်က ၂ ဂိုးပြတ်နိုင်​နေပြီး ပွဲပြီးဖို့တဖြည်းဖြည်းနီးလာ​တာ​ကြောင့် အာဂျင်တီးနားဖိအားပိုများလာပါတယ် ။၇၉ မိနစ်မှာ မက်ဆီက ညာခြမ်းက​နေ ဖြတ်တင်​ပေးမှုကို ရိုမဲရိုက ​ခေါင်းတိုက်ပြီး​ချေပဂိုးရခဲ့ပါတယ်။ ​ချေကဂိုးတစ်ဂိုးရပြီးဆက်တိုက်ဖိကစားတာမှာ မက်ဆီပင်နယ်တီ ဧရိယာထဲဆွဲဝင်ပြီးဖန်တီး​ပေးတာကို မာတီနက် အနီးကပ်ပိတ်သွင်းတာ ကပ်လွဲခဲ့ပါတယ်။

၈၃ မိနစ်မှာ မက်ဆီက သူဖန်တီး​ပေးတဲ့​ဘောလုံး ပျက်ပြီးပြန်ထွက်လာတာကို ဂိုးဧရိယာထဲမှာ ​​ထောင့်ဖြတ်ကန်သွင်းယူခဲ့ပါတယ်။ ၂ ဂိုးစီသ​ရေဖြစ်သွားတာ​ကြောင့် အာဂျင်တီးနားက ကစားကွက်အရှိန်အနည်းငယ်​လျှော့လိုက်တာနဲ အီဂျစ်ကတိုက်စစ်ဆင်ရင်း ၉၁ မိနစ်​ကျော်မှာ မိုဟာမက်ဆာလာနဲ့ ​နောက်ခံလူမာတီနက်စ်​​ဘောလုံးယှဥ်လုရင်းရသွားတာက​နေ အာဂျင်တီးနားက​ကောင်တာကတဆင့် တိုက်စစ်မှူးမာတီနက်စ် ဖြတ်တင်​ပေးတာကိုအန်ဇိုဖာနန်ဒက်စ်က ၉၂ မိနစ်မှာ အနိုင်ဂိုးသွင်းလိုက်ပါတယ်။ကျန်ပွဲချိန်​တွေမှာ အာဂျင်တီးနားကအနိုင်ရလဒ်ကိုထိန်းပြီး ၃ ဂိုး-၂ ဂိုးနဲ့အနိုင်ရခဲ့တာပါ။ပွဲအတွင်း ဒိုင်လူကြီးဆုံးဖြတ်ချက်ကို မ​ကျေနပ်လို့ကန့်ကွက်တာ​ကြောင့် အီဂျစ်နည်းပြအဖွဲ့ဝင် ၁ ​ယောက်အနီကတ်ထိသလို ၊နည်းပြလည်းအဝါကတ်ထိခဲ့ပါတယ် ။

မိုဆာလာအတွက်​တော့ ​နေမာ ၊မိုဒရစ် ၊​ရော်နယ်ဒိုတို့ပြီးရင် ပြိုင်ပွဲကထွက်ရတဲ့နာမည်​ကြီးကစားသမားဖြစ်လာပါတယ်။

ပွဲအပြီးမှာ ရှုံးရာက​နေ အံအားသင့်ဖွယ်ပြန်လာနိုင်ပြီး အနိုင်ရခဲ့တာ​ကြောင့် မက်ဆီဟာစိတ်လှုပ်ရှားပြီး ငို​ကြွေး​နေခဲ့တာကိုအသင်း​ဖော်​တွေကဝိုင်းနှစ်သိမ့်​ပေးခဲ့တာ​တွေ့ရပါတယ်။ ကမ္ဘာ့ချန်ပီယံ ရှုံးခဲ့ရင် ပင်နယ်တီမဝင်ခဲ့တာ​ကြောင့် အပြစ်တင်ခံရမယ့်အ​ခြေအ​နေက​နေ ပွဲပြီးခါနီးမှာ မက်ဆီရဲ့ ​​မော်ဆန်တဲ့အခိုက်အတန့် အနည်းငယ်က တစ်ဂိုးဖန်တီး​ပေးနိုင်ပြီး တစ်ဂိုးသွင်းယူနိုင်ခဲ့တာဖြစ်ပါတယ်။အ​ကောင်းဆုံးကစားသမားဆုကို မက်ဆီကပဲရခဲ့ပါတယ်။ဒါ​ကြောင့် လက်ရှိကမ္ဘာ့ဖလားမှာ ​ပွဲစဥ်အလိုက်အ​ကောင်းဆုံးကစားသမားဆု ၄ ကြိမ်ရခဲ့သလို သွင်းဂိုးစုစု​ပေါင်း ၈ ဂိုးနဲ့ သွင်းဂိုးအများဆုံးဖြစ်​နေပါတယ်။ဒါ​ပေမယ့်သြစတြီးယားနဲ့ပွဲမှာလည်းပင်နယ်တီမဝင်ခဲ့တာ​ကြောင့် ကမ္ဘာ့ဖလားပြိုင်ပွဲတစ်ခုတည်း ပင်နယ်တီ ၂ ကြိမ်လွဲတဲ့ပထမဆုံးကစားသမားလည်းဖြစ်လာပါတယ်။

ဒါ့အပြင် ကမ္ဘာ့ဖလားသွင်းဂိုး ၂၁ ဂိုးနဲ့အများဆုံးစံချိန်ထပ်တင်ခဲ့သလို ၊ ကမ္ဘာ့ဖလားပြိုင်ပွဲတစ်​လျှောက် ဂိုးဖန်တီးမှု ၉ ကြိမ်နဲ့ အများဆုံးစံချိန်တင်ခဲ့ပါတယ်။

“ဘယ်​လောက်​တောင် အံသြဖို့​ကောင်းတဲ့ကစားသမား​တွေလဲ ။ကျွန်တော် အရမ်းစိတ်လှုပ်ရှားနေတယ်။​​​ဆေားရီးပါ။ ဒီလောက်ပဲ ကျွန်တော် သွားတော့မယ်။”လို့ အာဂျင်တီးနားနည်းပြ စကာလိုနီက စိတ်လှုပ်ရှား​နေတာ​ကြောင့်ပွဲအပြီး မှတ်ချက်အနည်းငယ်ပဲ ​​ပြောခဲ့ပါတယ် ။

အာဂျင်တီးနားဟာ ကွာတားဖိုင်နယ်မှာ ကိုလံဘီယာ-ဆွစ်ဇာလန်ပွဲကအနိုင်ရသူနဲ့ ယှဥ်ပြိုင်ရမှာဖြစ်ပါတယ်။