ဇူလိုင်-၂၁၊၂၀၂၆။သုည/People’s Spring
စစ်ကိုင်းတိုင်းအတွင်းက ဆားလင်းကြီးနဲ့ ဘုတလင်မြို့နယ်မှာ တော်လှန်သပိတ်အင်အားစုတွေက စစ်အာဏာရှင်ကို ဆန့်ကျင်ဖို့ လှုံ့ဆော်တဲ့ လှုပ်ရှားမှုတွေကို ဒီကနေ့ (ဇူလိုင် ၂၁) မှာ ပြုလုပ်ခဲ့ပါတယ်။
စစ်ကိုင်းတိုင်း၊ ဆားလင်းကြီးမြို့နယ် ကျေးရွာတစ်ရွာမှာ လက်ပံတောင်းတောင်ပင်မသပိတ်အဖွဲ့မှ ဒေသခံပြည်သူတွေကို တော်လှန်ရုပ်ရှင် ပြသခြင်းတွေ လုပ်ဆောင်ခဲ့ပါတယ်။
တော်လှန်ရုပ်ရှင်ပြသခဲ့ပြီးနောက် ဒေသခံပြည်သူလူထုကို တော်လှန်ရေးရဲ့ အရွေ့တိုင်းမှာ ပူးပေါင်းပါဝင်ပေးကြဖို့ တိုက်တွန်း နှိုးဆော်မှုတွေ ပြုလုပ်ခဲ့ပါတယ်။
Public Service Announcement
မုံရွာခရိုင် ဘုတလင်မြို့နယ်မှာလည်း ဒေါင်းရာဇာပင်မသပိတ်စစ်ကြောင်းက ဒေသခံပြည်သူတွေနဲ့အတူ (၇၉) နှစ်မြောက် အာဇာနည်နေ့ကို ဂုဏ်ပြုတဲ့အနေနဲ့ သစ်ပင်စိုက်ပျိုးမှုတွေ ပြုလုပ်ခဲ့ပါတယ်။
ယင်းနောက် သပိတ်ကော်မတီဝင်တွေနဲ့ ကျောင်းသားပြည်သူတွေက စစ်အာဏာရှင်ကို ဆန့်ကျင်ရေး ကြွေးကြော်သံတွေနဲ့ ဆန္ဒထုတ်ဖော် ပြသခဲ့ပါတယ်။
ဓာတ်ပုံ – GSCB ၊ လက်ပံတောင်းတောင်ပင်မသပိတ်
