ကိုးကန့်လက်နက်ကိုင်တပ်ဖွဲ့(MNDAA)၏ တပ်သား အခြေခံလေ့ကျင့်ရေး သင်တန်းကို ဒီဇင်ဘာ ၂၀ရက်က ကျင်းပခဲ့ကြောင်း MNDAAက ထုတ်ပြန်သည်။
အဆိုပါ သင်တန်းမှာ ခြောက်လအချိန်ကြာမြင့်ခဲ့ပြီး တော်လှန်ရေးလမ်းစဉ်၌ လူငယ်သစ်များ ထပ်မံပေါက်ဖွားလာကြောင်း ဖော်ပြသည်။
အခမ်းအနားတွင် MNDAA( မြန်မာအမျိုးသား ဒီမိုကရက်တစ် မဟာမိတ်တပ်မတော်) လေ့ကျင့်ရေးဌာန နှင့် ကျန်းမားရေးဌာနတို့မှ အရာရှိများ တက်ရောက်ခဲ့ပြီး လေ့ကျင့်ရေးပေးတာဝန်ခံက ထူးချွန်တပ်သားများကို ဆုချီးမြှင့်ခဲ့သည်ဟု ဆိုသည်။
ခြောက်လကြာ အခြေခံလေ့ကျင့်ရေးသင်တန်းသည် တပ်သားများ၏ တော်လှန်ရေးစိတ်ဓာတ်ကို ပိုမိုတည်ကြည်စေပြီး အတွေးအခေါ်၊ ကိုယ်ရေးအပြု အကျင့်၊ ခံယူချက်များ နှင့် အမျိုးသားရေးအသိစိတ်များ ကို ပိုမိုတိုးမြှင့်စေခဲ့ကြောင်း အရာရှိက အခမ်းအနား၌ အမှာစကား ပြောကြားခဲ့သည်ဟု ထုတ်ပြန်သည်။
Public Service Announcement
MNDAA သည် စစ်တပ်အာဏာသိမ်းပြီးနောက်ပိုင်း၌ ရှမ်းမြောက် မုံးကိုးဒေသ၌ စစ်ကောင်စီတပ်နှင့် တိုက်ပွဲများ စဉ်ဆက်မပြတ် ဖြစ်ပွားနေသည့် လက်နက်ကိုင်တပ်ဖွဲ့တစ်ခုဖြစ်သည်။
