ဩဂုတ်-၂၀၊၂၀၂၆။ရောင်နီ/People’s Spring
ရန်ကုန်မြို့ ဒဂုံမြို့သစ်မြောက်ပိုင်း မြို့နယ်မှာ လေပြင်းတိုက်ခတ်မှုကြောင့် ပင်လုံလမ်းမပေါ်မှာရှိတဲ့ Snoopy Mobile ဆိုင်ရဲ့ကြော်ငြာဆိုင်းဘုတ်တွေ လဲကျခဲ့ပါတယ်။
ဩဂုတ် ၁၉ ရက်မှာဖြစ်ခဲ့တာဖြစ်ပြီး ဆိုင်ပေါ်မှာထောင်ထားတဲ့ ဆိုင်းဘုတ်တွေက လမ်းမပေါ်က မီးကြိုးတွေပေါ်ကို လဲကျခဲ့တာပါ။
ဒါကြောင့် ကရိန်းကားနှစ်စီးနဲ့ မီးကြိုးတွေကို ထိန်းထားခဲ့ရတယ်လို့ မြင်တွေ့ကြသူတွေက ဗီဒီယိုဖိုင်တွေနဲ့ အတူ အသိပေးထားတာပါ။
Public Service Announcement
ဒီဆိုင်က သူတို့ဆိုင်းဘုတ်အပေါ်မှာမှ ဖုန်းတံဆိပ်နာမည်တွေရဲ့ ကြော်ငြာတွေနဲ့ အထပ်ထပ် တင်ထားတာဖြစ်ပြီး လေတိုက်လို့လဲကျကုန်တာဖြစ်ပါတယ်။
ဆိုင်ဖွင့်ထားတဲ့နေရာက တစ်ထပ်ပျဉ်ထောင်အိမ်လေးသာဖြစ်တာကြောင့် အပေါ်ကဝိတ်ကို မခံနိုင်တာဖြစ်မယ်လို့ အခြေအနေကိုမြင်ကြရသူတွေက သုံးသပ်ပါတယ်။
“စည်ပင်က ဆိုဒ်အပေါ်မူတည်ပြီး ဆိုင်းဘုတ်အခွန်ရတယ်လေ။ ဆိုင်အနေအထားနဲ့ဆိုင်းဘုတ်ဆိုဒ် ဖြစ်သင့်မဖြစ်သင့် အရင် ထည့်စဉ်းစားလက်ခံရမှာ။ အခန့်မသင့်ရင် လူထိခိုက်နိုင်သလို မီးကြိုးထိ ပျက်စီးလဲ ပတ်ဝန်းကျင်က မီးပျက်ဒုက္ခခံရဦးမယ်” လို့ ပြည်သူတစ်ဦးက မှတ်ချက်ရေးသားထားပါတယ်။
ဒီဖြစ်စဉ်မှာ ဆိုင်းဘုတ်တွေကိုထောင်ဖို့ ခွင့်ပြုပေးတဲ့ သက်ဆိုင်ရာတာဝန်ရှိသူတွေနဲ့ ဆိုင်ကို အရေးယူမှုတွေလုပ်ဆောင်ဖို့ ပြည်သူတွေက တောင်းဆိုထားကြပါတယ်။
