ဩဂုတ်-၂၂၊၂၀၂၆။မိုမို/People’s Spring
မကွေးတိုင်း၊ တောင်တွင်းကြီးမြို့နယ်၊ ရန်ကုန်-မန္တလေး အမှတ်(၂) လမ်းပိုင်းမှာ စစ်ကား ၁စီး မိုင်းထိပြီး သေဆုံးသူများနိုင်တယ်လို့ တောင်တွင်းကြီးမြို့နယ် ပြည်သူ့ကာကွယ်ရေးအဖွဲ့-ပကဖ(ပုဏ္ဏဝတီ ) တာ၀န်ရှိသူက ပြောပါတယ်။
ရန်ကုန်-မန္တလေး အမှတ်(၂) လမ်းမ၊ ရန်ကုန်-တောင်တွင်းကြီးလမ်းပိုင်းမှာ အောင်လံမြို့နယ်ကနေ တောင်တွင်းကြီးမြို့နယ်ကို မောင်းလာတဲ့ စစ်ကား ၂ စီးကို တောင်တွင်းကြီးမြို့နယ် ပရပ်ကြယ်ကျေးရွာနဲ့ဆတ်သွားကျေးရွာကြား လမ်းပိုင်းတနေရာ ဩဂုတ် ၂၀ ရက်က တိုက်ခိုက်ခဲ့တာလို့ ဆိုပါတယ်။
မိုင်းဆွဲခံရတဲ့ စစ်ကားပေါ်က စစ်သားတွေ ထိခိုက်သေဆုံးမှုများပြီး အရေအတွက်ကို စိစစ်ဆဲလို့ အသိပေးပါတယ်။
Public Service Announcement
“ကားတစ်စီးစီပေါ်မှာ က အင်အား ၂၅ ဦးစီလောက်ပါမယ်လို့တော့ ကျွန်တော်တို့ခန့်မှန်းတယ်”လို့ အထက်ပါတာ၀န်ရှိသူက ပြောပါတယ်။
တိုက်ခိုက်အပြီး ကျန်တဲ့စစ်ကားပေါ်ကနေ ပြန်လည်ပစ်ခတ်ခဲ့မှုတွေရှိပေမယ့် တော်လှန်ရေး ရဲဘော် တွေ အထိခိုက်မရှိ ပြန်လည်ဆုတ်ခွာခဲ့တယ်လို့ သိရပါတယ်။
တိုက်ခိုက်မှုကို တောင်တွင်းကြီးမြို့နယ်ပြည်သူ့ကာ ကွယ်ရေးအဖွဲ့-ပကဖ(ပုဏ္ဏဝတီ )၊မကွေးတောင်ပိုင်း ပြည်သူ့ကာကွယ်ရေးအဖွဲ့-မကွေး ပကဖ၊မကွေး-တောင်တွင်းကြီး အထူးပြောက်ကျားတပ်ဖွဲ့ နဲ့ တောင်တွင်းကြီး Rocket Fighter အဖွဲ့တွေ ပူးပေါင်းတိုက်ခိုက်ခဲ့တယ်လို့လည်း ထုတ်ပြန်ထားပါတယ်။
တောင်တွင်းကြီးမြို့နယ်အတွင်း စစ်ရေးလှုပ်ရှားနေတဲ့ ပြည်သူ့ကာကွယ်ရေးအဖွဲ့ – ပုဏ္ဏဝတီ (LDF) ဟာ ပြီးခဲ့တဲ့ရက်ပိုင်းက တောင်တွင်းကြီးမြို့နယ် ပကဖရဲ့ ကွပ်ကဲမှုအောက် ၀င်ရောက်ခဲ့ပြီး တောင်တွင်းကြီးမြို့နယ်ပြည်သူ့ကာ ကွယ်ရေးအဖွဲ့-ပကဖ(ပုဏ္ဏဝတီ)အဖြစ် ပြောင်းလဲထားပါတယ်။
