Connect with us

Hi, what are you looking for?

သတင်း

KIA ထိန်းချုပ် ပန်ဝါဒေသက တရုတ်လုပ်ငန်းရှင်ပိုင် ယမ်းဂိုဒေါင်ပေါက်ကွဲ၇ဦးသေ၊ ၁၁ဦး ဒဏ်ရာရ

ကချင်လွတ်လပ်ရေးတပ်မတော်(KIA) သိမ်းပိုက်ထိန်းချုပ်ထားတဲ့ကချင်ပြည်နယ် ချီဖွေမြို့နယ်၊ပန်ဝါဒေသကတရုတ်ကုမ္ပဏီပိုင် ယမ်းဂိုဒေါင်ပေါက်ကွဲမှုဖြစ်ပြီး ၇ ဦးသေဆုံးကာ ၁၁ဦး ဒဏ်ရာရရှိခဲ့တယ်လို့ ကချင်သတင်းရင်းမြစ်အချို့က ပြောပါတယ်။

(ယမ်းဂို​ဒေါင်​ပေါက်ကွဲပြီး​နောက်မြင်ကွင်း။ ဓါတ်ပုံ-​ပေးပို့)

အောက်တိုဘာ-၃၊၂၀၂၆။ထားမြတ်/People’s Spring

ကချင်လွတ်လပ်ရေးတပ်မတော်(KIA) သိမ်းပိုက်ထိန်းချုပ်ထားတဲ့ကချင်ပြည်နယ် ချီဖွေမြို့နယ်၊ပန်ဝါဒေသကတရုတ်ကုမ္ပဏီပိုင် ယမ်းဂိုဒေါင်ပေါက်ကွဲမှုဖြစ်ပြီး ၇ ဦးသေဆုံးကာ ၁၁ဦး ဒဏ်ရာရရှိခဲ့တယ်လို့ ကချင်သတင်းရင်းမြစ်အချို့က ပြောပါတယ်။

အောက်တိုဘာ ၂ရက် နေ့လည်ပိုင်းက ပန်ဝါဒေသ လဂွေရွာ စာသင်ကျောင်းအနီးမှာ ပေါက်ကွဲမှု ဖြစ်ခဲ့တာလို့ သိရပါတယ်။

“သေတာ ၇ယောက် ဒဏ်ရာရ ၁၁ယောက်။ တရုတ်ကုမ္ပဏီတစ်ခုရဲ့ယမ်းဂိုဒေါင် ပေါက်ကွဲသွားတာ။စာသင်ကျောင်းနားမှာ။ စာသင်ကျောင်း အကုန်ပျက်စီးတယ်” လို့ ကချင်သတင်းရင်းမြစ်တဦးကပြောပါတယ်။

Public Service Announcement

Public Service Announcement

အခြားကချင်စစ်ရေးသတင်းရင်းမြစ်တဦးကလည်း “တရုတ်လုပ်ငန်းရှင်တွေရဲ့ အရပ်ဖက်သုံး အမိုးနီးယားနိုက်ထရိတ် မတော်တဆ ပေါက်ကွဲမှုပါ” လို့ ပြောပါတယ်။

အဲဒီ ပေါက်ကွဲမှုဟာ ပြင်းထန်ခဲ့တာကြောင့် စာသင်ကျောင်းအဆောက်အအုံ၊ ကျောင်းဝန်ထမ်းတွေရဲ့ နေအိမ် အဆောက်အအုံတွေ အပါအဝင် နေအိမ်များစွာ ပျက်စီးခဲ့ကြောင်း ကချင်နဲ့ ရှမ်း​မြောက်က သတင်း​တွေကို​ဖော်ပြ​ပေး​နေတဲ့ 7Stars Newsက ဖော်ပြထားပါတယ်။ ဒဏ်ရာရသူတွေထဲမှာ အသက်အန္တရာယ် စိုးရိမ်ရသူတွေလည်း ပါဝင်တယ်လို့ အသိပေးထားပါတယ်။

ဒါ့အပြင် ယမ်းဂိုဒေါင် ပေါက်ကွဲမှုနဲ့ ပတ်သက်ပြီးတာဝန်ရှိသူ ဂိုဒေါင်ပိုင်ရှင်အား ကချင်လွတ်လပ်ရေးအဖွဲ့(KIO) ရဲတပ်ဖွဲ့မှ ထိန်းသိမ်းထားကာ နစ်နာသူများ တရားမျှတမှုရရှိရေးစုံစမ်းစစ်ဆေးသွားမယ်လို့လည်း 7Stars News က ဖော်ပြထားပါတယ်။

အခုလို ယမ်းဂိုဒေါင်ပေါက်ကွဲမှုဖြစ်စဉ်မျိုးဟာ အခြားတိုင်းရင်းသားတပ်တွေဖြစ်တဲ့ ၀တပ်(UWSA)၊ မိုင်းလားတပ်(NDAA)၊ ကိုးကန့်တပ်(MNDAA)၊ တအာင်းတပ်(TNLA) နယ်မြေတွေမှာလည်း ဖြစ်ပွားခဲ့ဖူးပါတယ်။ အခုနှစ်ပိုင်းအတွင်း UWSA၊ TNLAနဲ့ MNDAA တို့ရဲ့ နယ်မြေအတွင်း ဖြစ်ပွားခဲ့တဲ့ ပေါက်ကွဲမှုတွေမှာ လူသေဆုံးထိခိုက်အများအပြားရှိခဲ့ပါတယ်။

“UWSA ၊ TNLA ၊ MNDAA ထိန်းချုပ်နေရာတွေပြီးရင် အခု KIA ထိန်းချုပ်ဒေသမှာ ထပ်ပြီလာတာဟာ စိုးရိမ်စရာပါ ပြည်သူတွေရဲ့ ဘေးကင်းလုံခြုံရေးကို ဦးစားပေးသင့်တယ်

အောက်ခြေမှာ ပြောထားပါတယ်ဆိုတာနဲ့မပြီးဘူး အစကတည်းက ပြည်သူတွေရှိတဲ့နေရာမှာ ယမ်း လက်နက်သိုလှောင်ရုံတွေ လုံးဝ မထားဖို့ ဥပဒေစည်းကမ်းချထားရမှာဖြစ်တယ်”လို့လည်း သတင်းရင်းမြစ်ကပြောပါတယ်။

လက်နက်ခဲယမ်းတွေနဲ့ပတ်သက်ပြီးလက်နက်ကိုင်တပ်ဖွဲ့တွေဘက်က အခွန်ငွေရရှိခြင်းထက် ပြည်သူတွေဘေးကင်းရေးကို တာဝန်ယူမှုတာဝန်ခံမှုရှိစွာ လုပ်ဆောင်ကြဖို့လည်း ကချင်ပြည်သူအချို့က တိုက်တွန်းပါတယ်။

ဆက်စပ်သတင်းများ

သတင်း

အာဏာသိမ်းစစ်တပ်လက်အောက်ခံ ရှမ်းနီတပ် SNA က တပ်သား ၁ဦး ကချင်လွတ်လပ်ရေးတပ်မတော်(KIA)ထံ အလင်းဝင်လာကြောင်း ကချင်စစ်ရေးသတင်းရင်းမြစ်က အတည်ပြုပါတယ်။

သတင်း

ကချင်ပြည်နယ်၊ ဗန်းမော်မြို့မှာ တိုက်ပွဲတွေ ဆက်လက်ဖြစ်ပွားနေကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာနရဲ့ နိုဝင်ဘာ ၇ရက် သတင်းဖော်ပြချက်မှာ အသိပေးထားပါတယ်။

သတင်း

ကချင်ပြည်နယ်၊ ဗန်းမော်မြို့နယ် စစ်တပ်ရဲ့ အမှတ်(၂၁) စစ်ဆင်ရေးကွပ်ကဲမှုဌာနချုပ်-စကခ(၂၁)ရဲ့ အနောက်ဘက်ခြမ်းမှာရှိတဲ့ မိုးစိန်းကျွန်းကို သိမ်းပိုက်နိုင်ဖို့ ကချင်လွတ်လပ်ရေးတပ်မတော်(KIA) ပူးပေါင်းတပ်က ထိုးစစ်ဆင်တိုက်ခိုက်နေကြောင်း KIA သတင်းပြန်ကြားရေးဌာနရဲ့ အောက်တိုဘာ ၂၈ရက် သတင်းဖော်ပြပါတယ်။

သတင်း

ကချင်ပြည်နယ်၊ ဗန်းမော်မြို့မှာ ကချင်လွတ်လပ်ရေးတပ်မတော်(KIA)နဲ့ စစ်တပ်တို့တိုက်ပွဲ ဆက်လက်ပြင်းထန်နေပြီး စစ်တပ်က ခလရ(၄၇)တပ်ရင်းဘက်ကို အလုံးအရင်းနဲ့ ထိုးစစ်ဆင်နေသလို KIA ပူးပေါင်းတပ်ကလည်း အမှတ်(၂၁)စစ်ဆင်ရေးကွပ်ကဲမှုဌာနချုပ်-စကခ(၂၁) ကို တန်ပြန်ထိုးစစ်ဆင် တိုက်ခိုက်နေတယ်လို့ စစ်ရေးသတင်းရင်းမြစ်က ပြောပါတယ်။