Connect with us

Hi, what are you looking for?

သတင်း

မြိုင်က စစ်ရှောင်စခန်း စစ်တပ်လေကြောင်းတိုက်ခိုက်လို့ စစ်ရှောင် ၃ ဦး ဒဏ်ရာရ

မကွေးတိုင်း၊ မြိုင်မြို့နယ်တောင်ပိုင်းက စစ်ဘေးရှောင်စခန်းကို စစ်တပ်က ဂျက်ဖိုက်တာနဲ့ ဗုံးကြဲတိုက်ခိုက်ခဲ့တာကြောင့် စစ်ဘေးရှောင်ပြည်သူ ၃ ဦး ထိခိုက်ဒဏ်ရာရရှိခဲ့ကြောင်း အညာမြေအရပ်ဖက်လူမှုအဖွဲ့အစည်း-မြိုင်ရဲ့ တာဝန်ရှိသူ ဆရာထွေးက ပြောပါတယ်။

( စစ်ရှောင်တဲအနီး ဗုံးသီးကျရောက်ပေါက်ကွဲပြီးနောက် မြေပြင်အနေအထားအား တွေ့ရစဥ် ဓါတ်ပုံံ-အညာမြေအရပ်ဖက်လူမှုအဖွဲ့အစည်း-မြိုင်)

အောက်တိုဘာ ၆၊ ၂၀၂၆။ ဟာနာဆန်/People’s Spring

မကွေးတိုင်း၊ မြိုင်မြို့နယ်တောင်ပိုင်းက စစ်ဘေးရှောင်စခန်းကို စစ်တပ်က ဂျက်ဖိုက်တာနဲ့ ဗုံးကြဲတိုက်ခိုက်ခဲ့တာကြောင့် စစ်ဘေးရှောင်ပြည်သူ ၃ ဦး ထိခိုက်ဒဏ်ရာရရှိခဲ့ကြောင်း အညာမြေအရပ်ဖက်လူမှုအဖွဲ့အစည်း-မြိုင်ရဲ့ တာဝန်ရှိသူ ဆရာထွေးက ပြောပါတယ်။

​မနေ့က အောက်တိုဘာ ၅ ရက် ည ၇ နာရီ မိနစ် ၄ဝခန့်က မကွေးလေတပ်ကတက်လာတဲ့ ဂျက်ဖိုက်တာ ၁စီးဟာ ရွာလုံးကျွတ် စစ်ဘေးရှောင်နေရတဲ့ မြိုင်မြို့နယ်တောင်ပိုင်းက စစ်ရှောင်တဲတွေပေါ်ကို ဗုံးကြဲတိုက်ခိုက်ခဲ့တာလို့ သိရပါတယ်။

​အဲဒီတိုက်ခိုက်မှုကြောင့် စစ်ရှောင်တဲအတွင်း ရှိနေကြတဲ့ သားအဖ ၂ဦးနဲ့ အနီးအနားတဲက အမျိုးသမီး၁ ဦး၊ စုစုပေါင်း ၃ ဦး ဒဏ်ရာရရှိခဲ့ကြောင်း၊ ဒါ့အပြင် ဒဏ်ရာရသူတွေထဲက အမျိုးသမီးကတော့ ပြင်းထန်ဒဏ်ရာ ရရှိထားကြောင်း အညာမြေအရပ်ဖက်လူမှုအဖွဲ့အစည်း-မြိုင်ရဲ့ တာဝန်ရှိသူ ဆရာထွေးက ပြောပါတယ်။

Public Service Announcement

Public Service Announcement

“ဒဏ်ရာရတဲ့ အမျိုးသမီးကတော့ ဆီးအိမ်ကို ထိခိုက်တဲ့သဘောရှိတယ်။ ပြင်းထန်တယ်လို့ ပြောရလိမ့်မယ်။ အသက်အန္တရာယ် စိုးရိမ်ရလိမ့်မယ်”လို့ ဆရာထွေးက ဆိုပါတယ်။

စစ်တပ်ဟာ စစ်ဘေးရှောင်စခန်းကို​ပါ လေကြောင်းတိုက်ခိုက်လာတာကြောင့် အဆိုပါ စစ်ရှောင်စခန်းက ပြည်သူတွေဟာ ထပ်မံရွေ့ပြောင်းနေထိုင်နေရကြောင်း ဒေသခံတွေဆီက သိရပါတယ်။

​မြိုင်မြို့နယ်မှာ မနေ့က မနက် ၉ နာရီကနေ ည ၇ နာရီ ၄၃ မိနစ်အထိ လေယာဉ်အမျိုးအစားစုံနဲ့ တစ်နေကုန် လေကြောင်းတိုက်ခိုက်မှုတွေ ရှိခဲ့တာဖြစ်ပြီး၊ ယခုရက်ပိုင်းအတွင်း စစ်ကောင်စီဘက်က လေကြောင်းတိုက်ခိုက်မှုတွေကို ဆက်တိုက် ပြုလုပ်လာနေကြောင်း အညာမြေအရပ်ဖက်လူမှုအဖွဲ့အစည်း-မြိုင်က အသိပေးထားပါတယ်။

ဆက်စပ်သတင်းများ

သတင်း

စစ်ကြောင်း မိုင်းဆွဲခဲ့ရပြီးနောက် တဲကြီးရွာကို မီးဝင်ရှို့

ဆောင်းပါး

"ရှေ့ဆောင် နွား ဖြောင့်ဖြောင့်သွားက နောက်နွား တစ်သိုက် ဖြောင့်ဖြောင့် လိုက်၏" တဲ့။

သတင်း

ကရင်ပြည်နယ်၊ ကော့ကရိတ်မြို့နယ်က စစ်တပ် တပ်စွဲရာ နေရာ ၃ခုကို ဒရုန်းနဲ့ တိုက်ခိုက်ခဲ့ကြောင်း ရာမညမွန်တပ်တော်(RMA)က သတင်းထုတ်ပြန်ပါတယ်။

သတင်း

မကွေးတိုင်း၊ မင်းတုန်းအနောက်ခြမ်းက အာဏာသိမ်းစစ်တပ်ရဲ့ ပွိုင့်ကုန်းစခန်းတွေကို တော်လှန်ရေးတပ်တွေက တန်ပြန်ထိုးစစ်ဆင်နေတယ်လို့ မြေပြင်စစ်ရေး သတင်းရင်းမြစ်တချို့က လူထုနွေဦးကို ပြောပါတယ်။

Facebook