အုပ်စုဖွဲ့အဓမ္မပြုကျင့်ခံခဲ့ရတဲ့အမျိုးသမီးငယ်တဦးအရေးပေါ် ‌‌‌ဆေးရုံတင်ထားရပြီး တဦး‌ အသတ်ခံရ

အောက်တိုဘာ-၇-၂၀၂၆။ကတ်သရင်း/ People’s Spring

အမျိုးသမီးငယ် ‌‌‌‌‌‌‌တွေကို အုပ်စုဖွဲ့အဓမ္မပြုကျင့်ခဲ့တဲ့ စစ်တပ်စစ်​ကြောင်းဟာနွားထိုးကြီးမြို့တွင်းကိုပြန်ဝင်သွားပြီးအုပ်စုဖွဲ့အဓမ္မပြုကျင့်ခံရတဲ့အမျိုးသမီးငယ်တဦး သေဆုံးခဲ့သလို ၊တဦးဟာအရေးပေါ် ဆေးရုံတက်ကုသ နေရတယ်လို့ ‌‌‌ဒေသခံ တွေကပြောပါတယ်။

နွားထိုးကြီးမြို့တွင်းတပ်စွဲထားတဲ့ တပ်မ(၄၄) လက်​အောက်ခံစစ်သား​တွေ၊ ပြည်သူ့စစ်​တွေ၊ပျူစောထီး​တွေနဲ့ ရဲကွန်မန်ဒိုဆိုတဲ့ရဲ​တွေပါဝင်တဲ့ အင်အား၂၀၀ ခန့်ပါ စစ်ကြောင်းဟာနွားထိုးကြီးမြို့နယ်၊ ထနောင်းပင်လဲကျေးရွာမှာတပ်စွဲခဲ့ပါတယ်။တပ်စွဲပြီးအောက်တိုဘာလ ၅ ရက်နေ့၊ည၇နာရီမှာမူးယစ်​သောက်စာ၀းကာ ပတ်ကင်းလှည့်ချိန် ရွာထိပ်အစွန်က တောထဲတိုက်က စစ်ဘေးရှောင်နေတဲ့ ပြည်သူ တွေကို တွေ့သွားခဲ့ပါတယ်။

စစ်​ဘေး​ရှောင်​တွေထဲက အိမ်ထောင်သည်အမျိုးသမီးတဦး၊အသက် ၁၄နှစ်အရွယ်မိန်းက​လေးငယ်တဦး၊ အသက်၁၈နှစ်အရွယ် အမျိုးသမီးငယ်နဲ့ အသက်၂၀နှစ်အရွယ် အမျိုးသမီးနှစ်ဦး စုစု​ပေါင်း ၅တို့ကို ဖမ်းဆီးသွားပါတယ် ။ အိမ်ထောင်သည် အမျိုးသမီးကို သူမရဲ့ခင်ပွန်းကလိုက်​ခေါ်တာ​ကြောင့် ပြန်လွှတ် ပေးခဲ့တယ်လို့ ဆိုပါတယ်။

Public Service Announcement

ဒါ​ပေမယ့်အသက်မပြည့်သေးတဲ့ မိန်းက လေးငယ်အပါအဝင် အမျိုးသမီးငယ် ၄ဦးကို စစ်​ကောင်စီတပ်ဖွဲ့ဝင်​တွေကနှိပ်စက်ညှင်းပန်းပြီးအုပ်စုဖွဲ့ အဓမ္မပြုကျင့်ခဲ့ပါတယ်။ဖမ်းသွားပြီး​​နောက်​နေ့မှာ အမျိုးသမီး၃ဦးဟာ ဒဏ်ရာ တွေနဲ့ ပြန်လွတ် မြောက်ခဲ့ပါတယ်။

“နှစ်‌ ယောက်က ညီအမ တွေ။သူတို့ကတော့ ဟန်မပျက်အလုပ်လုပ် နေကြမယ့် မျက်နှာနဲ့ လည်ပင်းတွေမှာဒဏ်ရာတွေရထားတယ်လို့ သိရတယ်။ တယောက်ကတော့ ဆေးရုံအ‌ ရေး ပေါ်တက် နေရတုန်းပဲ။ပျောက်နေတဲ့တယောက်က သတ်ပစ်လိုက်ကြတယ်လို့ သတင်းရထားတယ်”လို့ ဒေသခံတဦးက ပြောပါတယ်။

​အောက်တိုဘာ ၆ ရက်မနက်ပိုင်းမှာ အဓမ္မပြုကျင့်ခံရတဲ့ အမျိုးသမီးတွေ ပြန်လွတ်လာပြီးတဲ့နောက် စစ်တပ်ကအုပ်စုဖွဲ့ မုဒိမ်းကျင့်တဲ့သတင်းထွက်ခဲ့ပြီး ​အောက်တိုဘာ ၇ ရက်မှာ စစ်​တပ်စစ်​ကြောင်းဟာမြို့တွင်းကို ပြန် ဝင်သွားတာလို့ စုံစမ်းသိရပါတယ်။

ဒါ့အပြင် ၂၀၂၅ ခုနှစ်မှာ စစ်တပ်စစ်​ကြောင်း​က မြင်းခြံခရိုင်၊တောင်သာမြို့နယ်ရှိ စွာ​တွေကအမျိုးသမီး​တွေကို အုပ်စုဖွဲ့ မုဒိမ်းကျင့်ခဲ့ပါသေးတယ် ။ ​တောင်သာမြို့နယ်၊ရုံးစည်ကြီးရွာကအသက်၁၆နှစ် အရွယ် ကနေ အသက်၆၀ အရွယ်အထိ အမျိုးသမီး ၇ ဦးကို စက်တင်ဘာလ၁၀ ရက်နေ့ကနေ ၁၆ ရက် နေ့အထိ စစ်သား​တွေက ဖမ်းဆီး အဓမ္မပြုကျင့်ခဲ့တာလို့ ​ဒေသခံနဲ့ ​တော်လှန်​ရေးတပ်ဖွဲ့ဝင်​တွေက​ပြောပါတယ်။

အလားတူ သံဘိုရွာမှာလည်း အမျိုးသမီးငယ်တချို့ကို စစ်သား​တွေကထပ်မံ အ‌‌ဓမ္မပြုကျင့်ခဲ့ကြသေးတယ်လို့ အဲဒီစစ်​ကြောင်းကဖမ်းဆီးရမိတဲ့ စစ်သုံ့ပန်းက ထွက်ဆိုခဲ့ပါတယ်။

ဒါ့အပြင် အိမ်ကြီးတောရွာကိုလည်းစစ်တပ်က စစ်ကြောင်းထိုးကာအသက် ၁၆နှစ်အရွယ်ကို အုပ်စုဖွဲ့ အဓမ္မပြုကျင့်ခဲ သတ်ဖြတ်ခဲ့ကြပါတယ်။

အဆိုပါ ရွာ​တွေက အမျိုးသမီး၂၀ကျော်ကို အုပ်စုဖွဲ့အဓမ္မပြုကျင့်ခိုင်းခဲ့သူဟာ စစ်တပ်က ဗိုလ်မှူးကျော်မင်းဖြစ်တယ်လို့ အဲစစ်​ကြောင်းကဖမ်းမိတဲ့စစ်သုံ့ပန်းကထွက်ဆိုပါတယ်။စစ်တပ် အဓမ္မကျင့်ခဲ့တဲ့ အမျိုုးသမီးတွေထဲက မိန်းက​​လေးငယ်အချို့ဟာ အဖြစ်ဆိုးကြုံပြီး​နောက် ကိုယ်တိုင်အဆုံးစီရင်သွားတာရှိခဲ့တယ်လို့ ​ဒေသခံ​တွေက​ပြောပါတယ်။

ရွာ​တွေကို စစ်​ကြောင်းထိုးအကြမ်းဖက်သတ်ဖြတ်ပြီး အမျိုးသမီး​တွေကို အုပ်စုဖွဲ့မုဒိမ်းကျင့်တဲ့စစ်​ကြောင်းကို ​​ဒေသတွင်းPDF ၊ပကဖနဲ့ ​တော်လှန်​ရေးတပ်​တွေက၂၀၂၅ အောက်တိုဘာ၉ ရက်မှ ၁၂ရက် နေ့အထိမလှိုင်မြို့နယ် အိမ်ကြီးတောရွာအနီးတိုက်ခိုက်ရာ ဗိုလ်မှူး​ကျော်မင်း အပါအဝင်စစ်သား ၂၀ ကျော် မလှိုင်မြို့နယ်တိုက်ပွဲမှာ သေဆုံးခဲ့ပြီး ၅ဦးကို အရှင်ဖမ်းမိခဲ့ပါတယ်။