'/%3E%3C/svg%3E){kind=small}
အောက်တိုဘာ-၃၁၊၂၀၂၆။ဆဏ်း/People’s Spring
မြန်မာနိုင်ငံအတွက် လူသားချင်းစာနာမှုအကူအညီပေးနိုင်ဖို့ရည်ရွယ်တဲ့ Rhythm of Hope ဖျော်ဖြေပွဲတွေကို ဂျပန်နိုင်ငံရဲ့ မြို့ ၂မြို့မှာ ပြုလုပ်သွားမှာ ဖြစ်ပါတယ်။
ဖျော်ဖြေပွဲတွေမှာ တော်လှန်အနုပညာရှင် ၂ဦးဖြစ်တဲ့ Lလွန်းဝါ နဲ့ ယုဇန တို့ပါဝင်မှာဖြစ်ပြီး အိုဆာကာမြို့မှာ နိုဝင်ဘာ ၁ ရက်နဲ့ တိုကျိုမြို့မှာ နိုဝင်ဘာ ၈ ရက် ပြုလုပ်မှာပါ။
လက်ရှိမှာ အဆိုတော် ၂ ဦးလုံး ဂျပန်နိုင်ငံကို ရောက်ရှိနေပြီဖြစ်ပြီး ဖျော်ဖြေပွဲအတွက် ပြင်ဆင်နေကြပြီလို့ အဆိုတော်တွေက အသိပေးထားပါတယ်။
Public Service Announcement
” ဂီတအနုပညာမှတစ်ဆင့် မျှော်လင့်ချက်များကို မျှဝေကာ မြန်မာနိုင်ငံအတွက် လူသားချင်းစာနာထောက်ထားမှုဆိုင်ရာ ကြိုးပမ်းမှုများတွင် ပါဝင်အားဖြည့်ပေးနိုင်ရန် ရည်ရွယ်ထားသည့် ဤအစီအစဉ်တွင် အားလုံးပါဝင်ပေးကြဖို့ ဖိတ်ခေါ်အပ်ပါသည်။”လို့ Rhythm of Hope Japan က ဖိတ်ခေါ်ထားပါတယ်။
ဖျော်ဖြေပွဲမှာ တစ်ကိုယ်တော်ဖျော်ဖြေမှုတွေ အပါအဝင်စုံတွဲသီဆိုမှုတွေလည်း ပါဝင်မယ်လို့ ယုဇနက ပြောပါတယ်။
“နှစ်ယောက်အတူ စုံတွဲသီချင်းလေးတွေတိုက်နေပါပြီ၊ ပွဲနေ့မှာအားလုံးနဲ့အတူ ဆိုကြမယ်”လို့ ယုဇနက ဖျော်ဖြေပွဲအတွက် Lလွန်းဝါ သီချင်းတိုက်နေတဲ့ ဗီဒီယိုနဲ့အတူ ပရိသတ်တွေကို ဖိတ်ခေါ်ထားပါတယ်။
