ဆောင်းအရသာခံစားရတဲ့ ရန်ကုန်

နိုဝင်ဘာ-၁၁၊၂၀၂၆။ရောင်နီ/People’s Spring

ဆောင်းရာသီကို ရောက်နေပေမယ့် အယ်နီညိုကြောင့် အပူဒဏ်ခံစားနေရတဲ့ ရန်ကုန်မြို့မှာ နိုဝင်ဘာ ၁၁ ရက်ကတော့ ဆောင်းအရသာကိုခံစားခဲ့ရပါတယ်။

အခုရက်ပိုင်းမိုး​တွေအုံ့ပြီး မိုးရွာတာရှိသလို လေအေးတွေတိုက်ခတ်နေတာကြောင့် အပူဒဏ် သိသိသာသာလျော့သွားပြီးနိုဝင်ဘာ၁၁

ရက်မှာဆိုင် ရာသီဥတုက​အေး​နေကာဆောင်းရာသီရောက်နေတာကို သိသိသာသာခံစားခဲ့ရတာလို့ ဒေသခံတွေကပြောပါတယ်။

Public Service Announcement

မိုးကာလအပြီး အယ်နီညိုကြောင့် အပူဒဏ်ကို ခံစားနေရတဲ့ ရန်ကုန်မှာ ပြီးခဲ့တဲ့ ရက်ပိုင်းအထိ ဆောင်းဥတု မရှိတော့ဘူးလို့ ပြောနေခဲ့ကြတာပါ။

ဒီနေ့မှာတော့ ​အေးရုံသာမက မိုးတိမ်​တွေ အုံ့မှိုင်းပြီး မိုးလေးတဖြောက်ဖြောက်ပါရွာခဲ့ပါတယ်။ နိုဝင်ဘာ ၁၁ ရက် နေ့လည်မှာဆိုရင် အပူချိန် ၁၉ ဒီဂရီအထိ ကျခဲ့တယ်လို့ သိရပါတယ်။

လက်ရှိ ရွာနေတဲ့မိုးက အရှေ့ဘက်ကလာတဲ့ လေပွေလှိုင်းအရှိန် နဲ့ လေအေးတွေကြောင့် အချိန်အခါမဟုတ် မိုးရွာနေတာလို့အမျိုးသားညီညွတ်ရေးအစိုးရ၊လူမှုရေးရာ၊ အလုပ်သမားနဲ့လူသားချင်းစာနာထောက်ထားရေးဝန်ကြီးဌာန(MoSLHA)က ထုတ်ပြန်ထားပါတယ်။

ရန်ကုန်တိုင်း၊ စစ်ကိုင်း၊ မန္တလေးတိုင်း၊ မကွေးတိုင်း၊ ပဲခူးတိုင်း ၊ ဧရာဝတီတိုင်းနဲ့ ရခိုင်ပြည်တယ်၊ ချင်းပြည်နယ်၊ကရင်ပြည်နယ်နဲ့ ရှမ်းပြည်နယ်မှာ မိုးရွာနိုင်တယ်လို့ ထုတ်ပြန်ချက်မှာဖော်ပြထားပါတယ်။