နိုဝင်ဘာ-၁၇၊၂၀၂၆။ကတ်သရင်း/People’s Spring
ဒေသခံအမျိုးသမီးငယ်တွေကိုအုပ်စုဖွဲ့အဓမ္မပြုကျင့်ခဲ့တဲ့နွားထိုးကြီးမြို့ပေါ်ကရဲစစ်ကြောင်းဟာ မြင်းခြံမြို့နယ်ထဲကရွာ၃ရွာကိုစစ်ကြောင်းထိုးပြီးဒေသခံပြည်သူ တွေရဲ့နားကပ်အရံ၂၀ ကျော်နဲ့စားသောက်ကုန် တွေအကုန်ယူသွားတယ်လို့ မြင်းခြံမြို့နယ်၊ပြည်သူ့ကာကွယ်ရေးအဖွဲ့(ပကဖ)ကပြောပါတယ်။
စစ်အုပ်စုကနွားထိုးကြီး -မြင်းခြံလမ်းအတိုင်းအင်အား၂၀၀ ခန့်နဲ့ စစ်ကြောင်းထိုးလာပြီး စံပြ၊ဇီးပင်ကန်၊ထိန်ပန်းရွာတို့ကိုဝင်ကာ နေအိမ်တွေ ထဲအထိဝင်ပြီး ဒေသခံအမျိုးသမီး တွေဝတ်ထားတဲ့ နားကပ်တွေ၊ရွှေ၊ငွေ၊လက်ဝတ်လက်စားတွေ နဲ့ ပဲတွေ၊ဆန်တွေကို အကုန်လုယက်ယူဆောင်သွားတယ်လို့ သိရပါတယ်။
“အခုစစ်ကြောင်းတွေကပစ္စည်းတွေယူတာဗျ။ဒေသခံ တွေကရှောင်တာ။တောထဲတွေပဲဆိုတော့ တောထဲကနေ ရွာထဲပြန်လာဖို့ ခေါ်တယ်။အဲတာပြီးရင်ပစ္စည်းအကုန်ချွတ်ယူတာ။အခုက မြေပဲ ပေါ်ချိန်ဆိုတော့ပဲတွေ၊ဆန်တွေပါအကုန်သယ်ယူတာ”လို့ မြင်းခြံမြို့နယ်၊ပကဖ သတင်းပြန်ကြား ရေးတာဝန်ရှိသူ လူထုနွေဦးကို ပြောပါတယ်။

Public Service Announcement
အဲဒီစစ်ကြောင်းဟာနိုဝင်ဘာလ၁၄ ရက်နေ့က ထိန်ပင်ရွာကို ရောက်ခဲ့ပြီး နိုဝင်ဘာ ၁၆ မှာပြန်ထွက်ပါတယ် ။အဲဒီနောက် ကုက္ကိုလ်ရဲရွာကတဆင့် နိုဝင်ဘာ ၁၇ ရက်မှာ နဘူးအိုင်ရွာကိုထွက်သွားတယ်လို့ ဒေသခံအချို့ကပြောပါတယ်။
ဒီစစ်ကြောင်းရဲ့ရှေ့ ဆုံးမှဒရုန်းကားပါပြီး ခြေလျင်တပ်ဖွဲ့ဝင်တွေ၊ကားတွေနဲ့ စုပေါင်းစစ်ကြောင်းထိုးတာဖြစ်ပြီး ဝင်သမျှရွာတိုင်းကို ဒရုန်းနဲ့အရင်ကင်းထောက် ဗုံးချပြီးမှအိမ်တွေကိုဝင်မွှေ လေ့ရှိတယ်လို့ တော်လှန်ရေးတပ်ဖွဲ့ဝင်တွေကပြောပါတယ်။
ဒီစစ်ကြောင်းဟာအောက်တိုဘာလ၅ ရက်နေ့က ထနောင်းပင်လဲရွာကဒေသခံ အမျိုးသမီးငယ်၅ဦးကို အုပ်စုဖွဲ့ အဓမ္မပြုကျင့်ခဲ့တဲ့ စစ်ကြောင်းဖြစ်တယ်လို့ စုံစမ်းသိရပါတယ်။ဒါ့အပြင် နိုဝင်ဘာလ၄ရက် နေ့က နွားထိုးကြီးမြို့နယ်၊ဆူးဖြူကုန်းရွာအဘိုး၊အဘွားနှစ်ဦးကို ဓားပြတိုက်မီးရှိူ့သတ်ခဲ့တဲ့စစ် ကြောင်းလည်းဖြစ်ပါတယ်။


























































