'/%3E%3C/svg%3E){kind=small}
စစ်ကိုင်းတိုင်း ရေဦးမြို့နယ်တွင် အကြမ်းဖက်စစ်ကောင်စီနှင့် ပျူစောထီး ပူးပေါင်းအဖွဲ့ကို မိုင်းဆွဲတိုက်ခိုက်ရာ အနည်းဆုံးသုံးဦးသေဆုံးကြောင်း ရေဦးမြို့နယ်ပြည်သူ့ကာကွယ်ရေးတပ်ဖွဲ့က ယနေ့(ဒီဇင်ဘာ ၃၁ ရက်)တွင် ထုတ်ပြန်သည်။
“မနေ့ညက ၈ နာရီလောက်မှာ အင်တောရွာနားမှာ သူတို့တွေ ခြေလျင်စစ်ကြောင်း လျှောက်လာတဲ့အချိန် မိုင်းဆွဲနိုင်ခဲ့တာ။ မျက်မြင်သတင်းအရတော့ အနည်းဆုံးသုံးဦးသေတယ်ဗျ”ဟု ရေးဦး (ပကဖ) တာဝန်ရှိသူတစ်ဦးက လူထုနွေဦးသို့ ပြောသည်။
အဆိုပါမိုင်းဆွဲတိုက်ခိုက်မှုကို ရေဦး PDFနှင့် တန့်ဆည် ပြည်သူ့ကာကွယ်ရေးအဖွဲ့တို့ ပူးပေါင်း ဆောင်ရွက် ခဲ့ကြောင်းလည်း ၎င်းက ဆိုသည်။
ယမန်နေ့(ဒီဇင်ဘာ ၃၀ ရက်) က စစ်ကိုင်းတိုင်းအတွင်း အကြမ်းဖက်စစ်ကောင်စီ၏ ခြေလျင်စစ် ကြောင်းများနှင့် ယာဥ်တန်းများကို မိုင်းဆွဲခံရမှုကြောင့် စစ်ကောင်စီတပ်များ အထိနာခဲ့သည်။
Public Service Announcement
ထိုဖြစ်စဥ်များအနက် ချောင်းဦးမြို့နယ်တွင် စစ်ကောင်စီတပ်သား ကိုးဦးသေဆုံးကာ ၂၀ ဦး ခန့်ဒဏ်ရာရရှိခဲ့သည်။
အလားတူ ပုလဲမြို့နယ်တွင်လည်း PPDF ၏ မိုင်းဆွဲ တိုက်ခိုက်မှုကြောင့် ဒီဇင်ဘာ ၃၀ ရက်တွင် စစ်ကောင်စီ တပ်သား ၁၃ ဦးသေဆုံးကြောင်း ဗိုလ်နဂါးက လူထုနွေဦးသို့ အတည်ပြုထားသည်။
(ရေဦးမြို့နယ်ပြည်သူ့ကာကွယ်ရေးတပ်ဖွဲ့ဝင်များကို တွေ့ရစဥ်)
