Connect with us

Hi, what are you looking for?

နိုင်ငံတကာ

အမှုဆောင်ချုပ်ဟောင်း ဂျန်ဆန်ဟွမ်ကို Nvidiaက ဒုတိယ အခွင့်အရေး ပေးသင့်တယ်လို့ ထရမ့်ပြော

Nvidia ကုမ္ပဏီ အနေနဲ့ အမှုဆောင်ချုပ်ဟောင်း ဂျန်ဆန်ဟွမ်အတွက် ဒုတိယ အခွင့်အရေး ပေးသင့်တယ်လို့ အမေရိကန် သမ္မတ ဒေါ်နယ်လ်ထရမ့်က ပြောကြားလိုက်ပါတယ်။

ဓာတ်ပုံ - The New York Times

Nvidia ကုမ္ပဏီ အနေနဲ့ အမှုဆောင်ချုပ်ဟောင်း ဂျန်ဆန်ဟွမ်အတွက် ဒုတိယ အခွင့်အရေး ပေးသင့်တယ်လို့ အမေရိကန် သမ္မတ ဒေါ်နယ်လ်ထရမ့်က ပြောကြားလိုက်ပါတယ်။

ဟွမ်ဟာ တရုတ်သူလျှို တစ်ဦး အပါအဝင် အမျိုးသမီး ၃ ဦးထက်မနည်းနဲ့ လူမှုရေး အရှုပ်အထွေးတွေ ရှိခဲ့ကြောင်း ဖော်ထုတ် တွေ့ရှိခဲ့တဲ့နောက် ကမ္ဘာကျော် နည်းပညာ လုပ်ငန်းစုကြီးရဲ့ အမှုဆောင်ချုပ်နဲ့ ဥက္ကဋ္ဌ နေရာတွေကနေ နုတ်ထွက်ခဲ့ရပါတယ်။ အထူးသဖြင့် တရုတ်သူလျှိုအဖြစ် စွပ်စွဲခံရတဲ့ အမျိုးသမီးနဲ့ သူနဲ့ကြားက ပတ်သက် ရှုပ်ထွေးမှုကြောင့် ကုမ္ပဏီ အပေါ်မှာပါ ဆိုးကျိုးရိုက်ခတ်မှုတွေ ဖြစ်လာပြီး အမေရိကန် လွှတ်တော်ရဲ့ စုံစမ်းစစ်ဆေးမှုတွေကိုပါ ခံယူရဖွယ် ရှိနေပါတယ်။

တစ်ဖက်မှာလည်း ကုမ္ပဏီ ဝန်ထမ်း အများအပြားက ဟွမ်ကို အမှုဆောင်ချုပ်အဖြစ် ဆက်ရှိနေစေချင်သလို ဟွမ်ကိုယ်တိုင်ကလည်း အဲဒီကိစ္စ ဖြစ်နိုင်ခြေအတွက် အကြံပေးတွေနဲ့ ညှိနှိုင်း တိုင်ပင်နေကြောင်း သတင်းတွေ ထွက်ပေါ်လာပါတယ်။ Nvidia ကုမ္ပဏီရဲ့ ဘုတ်အဖွဲ့ကတော့ ဟွမ်ကို အမှုဆောင်ချုပ် နေရာမှာ ပြန်လည် ခန့်အပ်ဖို့ ဖြစ်နိုင်ခြေတွေကို ပယ်ချထားပါတယ်။

နိုဝင်ဘာ ၂၀ မှာတော့ ထရမ့်က သူဟာ ဟွမ်ကို မူလနေရာမှာ ပြန်ပြီး တွေ့ချင်မိတယ်လို့ ထုတ်ပြောခဲ့ပါတယ်။ ကမ္ဘာပေါ်မှာ ဉာဏ်ရည် အထက်မြက်ဆုံး၊ အထူးချွန်ဆုံးသူ တစ်ယောက်ဟာ တခြားဘယ်နေရာကို သွားသင့်လို့လဲလို့ ထရမ့်က မေးခွန်းထုတ်ခဲ့ပါတယ်။ သူ့သဘောထား အရတော့ Nvidiaက ဟွမ်အတွက် ဒုတိယ အခွင့်အရေး ပေးသင့်တယ်လို့ ခံစားမိကြောင်းလည်း ထရမ့်က ဆက်ပြောပါတယ်။

Public Service Announcement

Public Service Announcement

ဟွမ်ဟာ ဉာဏ်ရည်တု (AI) နည်းပညာအတွက် လိုအပ်တဲ့ အဆင့်မြင့် ကွန်ပျူတာချစ်ပ်တွေ ထုတ်လုပ်မှုမှာ ကမ္ဘာ့ရှေ့ဆောင် လုပ်ငန်းစုကြီးဖြစ်တဲ့ Nvidiaကို စတင်ထူထောင်ချိန် ကတည်းက အဓိက ဦးဆောင်နေခဲ့သူ ဖြစ်ပါတယ်။ ဟွမ်ကို ဖယ်ရှားလိုက်ခြင်းက Nvidia အတွက်လည်း ခေါင်းဆောင်သူ ကင်းမဲ့တဲ့ အခြေအနေတွေ ကြုံလာစေပြီး ကုမ္ပဏီရဲ့ စျေးကွက်ရှယ်ယာ တန်ဖိုးတွေပါ ကျဆင်းကုန်ပါတယ်။

ထရမ့်က ဟွမ်ဟာ လူကောင်းတစ်ယောက်လို့ ယုံကြည်ကြောင်းနဲ့ ဆုံးဖြတ်ချက် အမှားတချို့ ချမှတ်မိခဲ့ရုံသာ ဖြစ်ကြောင်း ကာကွယ် ပြောဆိုခဲ့ပါတယ်။ ပြီးတော့ ဟွမ်ဟာ သူနဲ့ငြိစွန်းခဲ့တဲ့ အမျိုးသမီး တစ်ဦးက တရုတ်သူလျှို ဖြစ်နိုင်တယ် ဆိုတာကို လုံးဝ မသိခဲ့ဘူးလို့ ဝန်ခံခဲ့ကြောင်း၊ ဟွမ်ရဲ့ စကားကို သူယုံကြည်ကြောင်းလည်း ထရမ့်က ပြောခဲ့ဖူးပါတယ်။

ဟွမ်အနေနဲ့ သေသေချာချာ ကျကျနန တောင်းပန်ပြီးရင် ကိုယ့်နေရာကိုယ် ပြန်ရောက်လာတာကို သူမြင်ချင်ကြောင်း၊ ဟွမ်ဟာ Blackwallလို အရာမျိုးတွေကို ဖန်တီးခဲ့သူဖြစ်ကြောင်း ထရမ့်က ဆိုပါတယ်။ Blackwall ဆိုတာက Nvidiaရဲ့ အဆင့်အမြင့်ဆုံး နည်းပညာတွေနဲ့ ဒီဇိုင်းထုတ် တည်ဆောက်ထားတဲ့ ချစ်ပ်ရဲ့ နာမည်ပါ။

Nvidia ဘုတ်အဖွဲ့ဟာ အမှန်တကယ် ပါးနပ်တယ်ဆိုရင် ဟွမ်ကို အမှုဆောင်ချုပ် နေရာဆီ ပြန်လည် ဆောင်ယူလာသင့်တယ်လို့လည်း ထရမ့်က ပြောပေမယ့် ဘုတ်အဖွဲ့ ဥက္ကဋ္ဌ ဟာဗေးဂျုံးစ်ကတော့ အဲဒီ အကြံပြုချက်ကို ပယ်ချထားပါတယ်။

ဟွမ်ရဲ့ နုတ်ထွက်မှုကို ဘုတ်အဖွဲ့က တညီတညွတ်တည်း လက်ခံပြီး ဖြစ်သလို ဘယ်သူကမှ ဟွမ်ကို အမှုဆောင်ချုပ် နေရာအတွက် ပြန်လက်ခံဖို့ စဉ်းစားမထားကြောင်း ဂျုံးစ်က ပြောကြားခဲ့ပါတယ်။

ကိုးကား: AFP

ဆက်စပ်သတင်းများ

Facebook