မန္တလေးမြို့ပေါ်က ရပ်ကွက်အများစုမှာ စစ်ကောင်စီတပ်ဖွဲ့ဝင်တွေဟာ ဒီရက်ပိုင်းအတွင်း ဧည့်စာရင်း စစ်တာတွေကို ခပ်စိတ်စိတ်လုပ်လာတဲ့အပြင် ဒဏ်ကြေးဆိုကာ ပိုက်ဆံတောင်းတာတွေရှိနေတယ်လို့သိရပါတယ်။
မနေ့က ဇန်နဝါရီလ ၂ ရက်ညပိုင်းမှာဆို. အောင်မြေသာစံမြို့နယ် ၊ချမ်းမြသာစည်မြိ့နယ် နဲ့ပြည်ကြီးတံခွန်မြို့နယ်တွေထဲမှာ ဧည့်စာရင်းစစ်တာတွေကိုလုပ်ခဲ့တယ်လို့ဒေသခံတွေကပြောကြပါတယ်။
“မီးပျက်နေတဲ့အချိန် ည၉နာရီလောက်က တံခါးခေါက်ပြီးဝင်စစ်သွားတယ်၊ တခြားရှာတာတော့မလုပ်ဘူး။၊အိမ်ထောင်စုဇယားမရှိရင် ဧည့်စာရင်းစာရွက်ပြခိုင်းတာ” လို့ ဒေသခံတစ်ဦးကပြောပါတယ်။
ဒါပေမယ့် ဧည့်စာရင်းစာရွက်မှာ ရက်လွန်နေတာရှိရင် ဒဏ်ကြေးဆိုကာ တစ်ဦးကို ကျပ် ၃သောင်းအထိ ငွေတောင်းတာတွေ ရှိတယ်လို့လည်းစုံစမ်းသိရပါတယ်။
Public Service Announcement
စစ်တပ်အာဏာသိမ်းပြီးရက်ပိုင်းအကြာမှာတင် စစ်ကောင်စီဟာ လူထုကို ဖိနှိပ်ဖို့အတွက် ဧည့်စာရင်းပြန်တိုင်ကြဖို့ ကြေညာခဲ့တာဖြစ်ပါတယ်။
