မုံရွာမြို့ပေါ် ကင်းလှည့်နေသည့် စစ်ကောင်စီတပ်အား အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ရာ စစ်ကောင်စီတပ်မှ သုံးဦးသေဆုံးကြောင်း အာဏာရှင်တော်လှန်ရေး ပြည်သူ့တပ်မတော်(DRPA)က ယနေ့(ဇန်နဝါရီ ၅) ထုတ်ပြန်သည်။
ယနေ့နံနက်ပိုင်းက မုံရွာမြို့ အောင်သပြေလမ်းနှင့် အာဇာနည်လမ်းဆုံးအနီး ကင်းလှည့်နေသည့် စစ်ကောင်စီတပ်သားများကို အဝေးထိန်းမိုင်းနှစ်လုံးဖြင့် တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
အဆိုပါတိုက်ခိုက်မှုများအနက် နံနက် ၈ နာရီ ၅၀မိနစ်တွင် အဝေးထိန်းမိုင်းတစ်လုံး၊ နံနက် ၉ နာရီ ၁၇မိနစ် တွင် ထပ်မံ၍ အဝေးထိန်းမိုင်းတစ်လုံးဖြင့် မိုင်းနှစ်လုံးခွဲကာ တိုက်ခိုက်ခဲ့ခြင်းဖြစ်သည်ဟု DRPAက ဆိုသည်။
“မြေပြင်တာဝန်ခံ၏ သတင်းပေးပို့ချက်အရ ဖက်ဆစ်တပ်ဘက်မှ ငါးဦးခန့်အထိသေဆုံးနိုင်ကြောင်း၊ လက်ရှိအတည်ပြုထားသည်မှာ သုံးဦးဖြစ်ကြောင်းနှင့် ကင်းအဖွဲ့အများစုထိခိုက်ဒဏ် ရာရသွားခဲ့ကြောင်း သတင်းရရှိပါသည်”ဟု ထုတ်ပြန်ချက်တွင် ဖော်ပြသည်။
Public Service Announcement
အထက်ပါတိုက်ခိုက်မှုကို အာဏာရှင်တော်လှန် ရေးပြည်သူ့တပ်မတော်(DRPA)၏ မုံရွာမြို့နယ် မြို့ပြပျောက်ကြားတပ်ဖွဲ့မှ တိုက်ခိုက်ခဲ့ခြင်း ဖြစ်သည်။
