ချင်းပြည်နယ် မတူပီ – ဟားခါးလမ်းအနီးတွင် အာဏာသိမ်းစစ်ကောင်စီတပ်နှင့် ယနေ့ တိုက်ပွဲထပ်မံ ဖြစ်ပွားခဲ့ကြောင်း မတူပီချင်းကာကွယ်ရေးတပ်ဖွဲ့ (CDF)က ထုတ်ပြန်သည်။
ယနေ့(ဇန်နဝါရီ ၆ရက်)နံနက် ၉နာရီ ၁၅မိနစ်မှစ၍ မတူပီ-ဟားခါးလမ်း အနီး ကီလှုန်းနှင့် လုံလှော်ရွာ ကြားတွင် တိုက်ပွဲဖြစ်ပွားနေကြောင်း၊ တိုက်ပွဲဖြစ်စဉ်နှင့်ပတ်သက်ပြီး ဆက်လက် ထုတ်ပြန်သွားမည်ဖြစ်ကြောင်း CDFက ဆိုသည်။
ဇန်နဝါရီ ၄ရက်ကလည်း မတူပီ -ဟားခါးလမ်းပေါ်ရှိ ဖနိုင်နှင့် ငလိုင်ရွာကြားတွင် စစ်ကောင်စီတပ်ကို CDFက ခုခံတိုက်ခိုက်ခဲ့ရာ စစ်ကောင်စီတပ်မှ အရာရှိ အပါအဝင် ၃ဦးသေဆုံးပြီး ဒဏ်ရာရသူများလည်းရှိခဲ့ကြောင်း မတူပီ CDFက ထုတ်ပြန်ထားသည်။
တိုက်ပွဲများ ဆက်တိုက်ဖြစ်ပွားလာခြင်းကြောင့် အရပ်သား ပြည်သူများအနေဖြင့် တောထွက်အမဲလိုက်ခြင်း၊ ချောင်းသွားခြင်း၊ ညအချိန်သွားလာခြင်းများ လုံး၀ မပြုလုပ်ရန် မတူပီ CDFက အသိပေးထုတ်ပြန်ထား သည်။
Public Service Announcement
