မုံးကိုးခရိုင် ရှိမာကျိုက်ဒေသ၌ တိုက်ပွဲဖြစ်ပွားရာ စစ်ကောင်စီတပ်မှ ထိခိုက်ဒဏ်ရာရမှုရှိကြောင်း ကိုးကန့်လက်နက်ကိုင်တပ်ဖွဲ့(MNDAA)က ယနေ့ ထုတ်ပြန် သည်။
ဇန်နဝါရီ ၁၅ရက်က အင်အား ၂၀၀ခန့်ပါသည့် စစ်ကောင်စီတပ်သည် ရှိမာကျိုက်ဒေသရှိ MNDAAတပ်စခန်းကို ထိုးစစ်ဆင်တိုက်ခိုက်လာ၍ ၂နာရီခန့် တိုက်ပွဲဖြစ်ခဲ့သည်ဟု ဆိုသည်။
စစ်ကောင်စီတပ်က စကခ(၁၄)လက်အောက်ခံ တပ်ရင်း (၂၇၈)အပါအဝင် တပ်ရင်း(၃)ရင်းဖြင့် စုပေါင်းထားသော ပူးတွဲတပ်ရင်းမှ ထိုးစစ်ဆင်လာခြင်းဖြစ်ပြီး စစ်ကောင်စီဘက်မှ ထိခိုက်ဒဏ်ရာရမှုအချို့ရှိကြောင်း၊ MNDAAဘက်က ထိခိုက်ကျဆုံးမှုမရှိကြောင်း ဖော်ပြထားသည်။
စစ်ကောင်စီတပ်သည် မုံးကိုးခရိုင်ရှိ MNDAA၏ မန်ရန် တပ်စခန်း ကို လက်နက်ကြီးများဖြင့် ဆက်လက် တိုက်ခိုက်ခဲ့ကြောင်း၊ စက်သေနတ်၊ Sniperများဖြင့်လည်း အနှောက်အယှက်ပေး ပစ်ခတ်တိုက်ခိုက်နေကြောင်း MNDAAက ထုတ်ပြန်သည်။
Public Service Announcement
အဆိုပါ မုံးကိုးဒေသတွင် ပြီးခဲ့သည့် ရက်ပိုင်းအတွင်း ကချင်လွတ်လပ်ရေးတပ်မတော်(KIA)နှင့် စစ်ကောင်စီတပ်အကြား တိုက်ပွဲဖြစ်ပွားမှုရှိခဲ့သည်။
