“မြင့်မြတ်တဲ့ နိုင်ငံသားတိုင်းဟာ အာဏာရှင်ကို မလိုလားဘူး” စာသားပါ ဒေါ်အောင်ဆန်းစုကြည် ဓာတ်ပုံကို ASEAN Heritage & History ဖော်ပြ

မြန်မာစစ်တပ် အာဏာသိမ်းမှု (၁)နှစ်ပြည့်သည့်နေ့တွင် အာဆီယံသမိုင်းအမွေအနှစ်(ASEAN Heritage & History)က နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၏ ဓာတ်ပုံကို လွှင့်တင်ဖော်ပြသည်။

၁၉၉၀က နေအိမ်အကျယ်ချုပ်ကျနေစဉ်က ရိုက်ကူးထားသော သမိုင်းဝင်ဓာတ်ပုံဖြစ်စဉ်ဟု ဖော်ပြပြီး ဓာတ်ပုံပေါ်တွင် မောင်လှမျိုး(ချင်း​ချောင်းခြံ)ရေးသားသည့် “မြင့်မြတ်တဲ့ နိုင်ငံသားတိုင်းဟာ အာဏာရှင်ကို မလိုလားဘူး” စာသားလည်း ပါဝင်သည်။

ASEAN Heritage & History ဖေ့စ်ဘွတ်ခ်စာမျက်နှာသည် စစ်တပ်က အာဏာသိမ်းပြီးနောက်ပိုင်းတွင်လည်း အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၊ သမ္မတဦးဝင်းမြင့်တို့ကို ဆက်လက် အသိအမှတ်ပြုပြီး အဆိုပါ ပြည်သူရွေးကောက်ခံအရပ်သားခေါင်းဆောင်များ၏ ဓာတ်ပုံများကို မကြာခဏဖော်ပြလေ့ရှိသည်။