▪️ပြည်သူ့ရဲဘော် သုံးဦးကျဆုံးပြီး ၁၀ဦးဒဏ်ရာရ
စစ်ကိုင်းတိုင်း ကနီမြို့နယ်ရှိ ဝင်မနားနယ်မြေရဲစခန်းနှင့် ဝင်မနား (အ.ထ.က)ကျောင်း၌ တပ်စွဲထားသည့် အကြမ်းဖက်စစ်ကောင်စီတပ်ကို ပြည်သူ့ကာကွယ်ရေးမဟာမိတ်တပ်ဖွဲ့များဝင်ရောက်တိုက်ခိုက်ရာ စစ်ကောင်စီတပ်သား ၂၅ဦးသေဆုံးကြောင်း ပြည်သူ့ကာကွယ်ရေးတပ်ဖွဲ့(ကနီမြို့နယ်)က ယနေ့(ဖေဖော်ဝါရီ ၅)ရက်တွင် ထုတ်ပြန် သည်။
ယမန်နေ့ (ဖေဖော်ဝါရီ ၄ ရက်)ည ၁၀နာရီခွဲက စတင်ခဲ့သည့် ထိုတိုက်ပွဲ၌ တော်လှန်ရေးရဲဘော် သုံးဦးကျဆုံးခဲ့ပြီး ၁၀ဦး ဒဏ်ရာရရှိခဲ့သည်။
“စခ ရခ များ နေသော ဝင်မနားနယ်မြေရဲစခန်း ပျက်ဆီးမှု့များပြားခဲ့ပြီး စခ ရခ မုန့်ဟင်းခါး (၂၅) ပွဲ ထွက်ခဲ့ကာ ဒဏ်ရာရ မုန့်ဟင်းခါး ပွဲအရေအတွက်များစွာရှိ”ဟု ကနီ PDFက ဆိုသည်။
Public Service Announcement
ကနီ PDFနှင့်အတူ ၊ M&K The Boys၊ ဒီပဲယင်း PDF ၊ ၊ ရွှေတြိဂံတပ်ရင်း ၊ဒေသတွင်းမဟာမိတ်ညီနောင်များ ၊ မဟာမိတ်ညီနောင် EAOများနှင့် ဒေသခံ ပ.က.ဖအဖွဲ့များ ပူးပေါင်းတိုက်ခိုက်ခဲ့သည်။
ပြည်သူများအနေဖြင့် အကြမ်းဖက်စစ်ကောင်စီ ၏ ဘေးမှ လွတ်ကင်းရန်အတွက်သတိ ဝီရိယဖြင့် နေထိုင်ရန်နှင့် အရေးတော်ပုံ အမြန်အောင်မြင်ရန်အတွက် ပြည်သူ့လက်နက်ကိုင်တော်လှန်ရေးတွင် ပြည်သူများအနေနှင့် နိုင်ရာထောင့်မှ ပါဝင်ကူညီကြပါရန် ကနီPDFက တိုက်တွန်းသည်။
