ပဲခူးတိုင်း ကြို့ပင်ကောက်နှင့် အုတ်ဖို့ မြို့နယ်အစပ်ရှိ ပျူစောထီးစခန်းကို ဝင်တိုက်ရာပျူစောထီးခေါင်းဆောင်သုံးဦးအပါအဝင် ငါးဦးသေဆုံးကြောင်း ကြို့ပင်ကောက်မြို့နယ် ပြည်သူ့ကာကွယ်ရေးတပ်ဖွဲ့က ယနေ့ (ဖေဖော်ဝါရီ ၉)တွင် ထုတ်ပြန်သည်။
တိုက်ပွဲဖြစ်စဥ်မှာ ဖေဖော်ဝါရီ ၈ရက် ညပိုင်းကဖြစ်ပြီး ကြို့ပင်ကောက်နှင့် အုတ်ဖို့မြို့နယ်အစပ်ရှိ မြေပြာရွာပျူစခန်းကိုဝင်တိုက်ခိုက်ခဲ့သည်ဟု ဆိုသည်။
“မနေ့က ည ၉ ခွဲလောက်က ဝင်တိုက်တာ။သူတို့ဘက်က အင်အား ၃၀ ကျော်လောက်ရှိတယ်ဗျ”ဟု ကြို့ပင်ကောက် PDF မှ တာဝန်ရှိသူတစ်ဦးက လူထုနွေဦးသို့ပြောသည်။
တိုက်ပွဲအတွင်း ပျူစောထီးခေါင်းဆောင်များဖြစ်သည့် နိုဝင်း၊စန်းငွေ၊ကျော်ဦး နှင့် အပေါင်းအပါ ပျူစောထီး ဒလန်နှစ်ဦး စုစုပေါင်းဦးသေဆုံးပြီး ပြည်သူ့ကာကွယ် ရေးရဲဘော်များအထိအခိုက်မရှိ ပြန်ဆုတ်ခွာနိုင်ခဲ့သည်ဟု ထုတ်ပြန်ချက်၌ ဖော်ပြသည်။
Public Service Announcement
အလားတူ စစ်ကိုင်းတိုင်း အရာတော်မြို့နယ် ငွေတွင်းကျေးရွာမှ ပျူစောထီးခေါင်းဆောင် ကျော်ဆွေသည် ၎င်းပိုင်ဆိုင်သော ပဲစင်းငုံနှင့် ပြည်သူများထံမှ သိမ်းယူထားသည့် ပဲစင်းငုံများကို မန္တလေးသို့ ရောင်းချရန်ထွက်လာစဥ် တူမီးညီနောင်နှင့် မဟာမိတ်နှစ်ဖွဲ့ပေါင်း၍ စစ်ဆေးစဥ် တွေ့ရှိခဲ့သဖြင့် ပြည်သူပိုင်းသိမ်းဆည်းလိုက်သည်ဟု ( ၅)မြို့နယ် မဟာမိတ်တပ်ပေါင်းစု က အသိပေးသည်။
သလဲဘာ၊ငွေတွင်း၊စပါးတွင်း၊ဆိပ်ဖူးကြီးနှင့် ဆင်တလည် ကျေးရွာများရှိ ပျူစောထီးများ သည် ပြည်သူ့ရင်ခွင်ထံအမြန်ဆုံး ခိုလှုံရန်လည်း တိုက်တွန်းသည်။
