အကြမ်းဖက်စစ်ကောင်စီက လေကြောင်းမှ တိုက်ခိုက်မှုတွင် မိခင်နှင့်ဖခင် သေဆုံးခဲ့ရသော လူငယ်တစ်ဦးအတွက် အမျိုးသားညီညွတ်ရေးအစိုးရ(NUG) အမျိုးသမီးလူငယ်နှင့်ကလေးသူငယ်ဆိုင်ရာ၀န်ကြီးဌာနက ဆေးကုသစားရိတ် ထောက်ပံ့ခဲ့သည်။
ကရင်ပြည်နယ် ဖာပွန်ခရိုင်မှ အသက်၁၄နှစ်အရွယ်လူငယ်တစ်ဦးအတွက် ဆေးကုသစားရိတ် တစ်သိန်းကျပ်ကို ထောက်ပံ့ကြေးကို NUG၏ အမျိုးသမီး လူငယ်နှင့်ကလေးသူငယ်ဆိုင်ရာ၀န်ကြီး နော်ဆူစန္နာလှလှစိုးက ယနေ့(ဖေဖော်ဝါရီ ၁၇ရက်)ထောက်ပံ့ခဲ့ခြင်းဖြစ်သည်။
ယင်းလူငယ်၏ မိဘနှစ်ပါးသည် ဖာပွန်မြို့တွင် စစ်ကောင်စီက လေကြောင်းမှ တိုက်ခိုက်ခဲ့သည့် ဖေဖော်ဝါရီ ၅ ရက်က တိုက်ပွဲတွင် ကွယ်လွန်ခဲ့ပြီးသူကိုယ်တိုင်လည်း ဒဏ်ရာရရှိခဲ့သည်။ ရပ်ရွာတာဝန်ရှိသူများက စောင့် ရှောက်ဆေးကုသထားရသူလည်းဖြစ်ကြောင်း ၀န်ကြီး နော်ဆူစန္နာလှလှစိုးက သတင်းထုတ်ပြန်ထားသည်။
အကြမ်းဖက်စစ်ကောင်စီသည် ၎င်းတို့အထိ့နာပါက ပြည်သူလူထုရှိရာနေရာများကိုပါ လေကြောင်းမှတိုက်ခိုက်နေခြင်းဖြစ်သည်။
Public Service Announcement
