ထားဝယ်ခရိုင် လောင်းလုံးမြို့နယ် မောင်းမကန်ရဲစခန်းနယ်ထိန်းတစ်ဦးကို ရှင်းလင်းခဲ့ကြောင်း ထားဝယ်ခရိုင်ပြည်သူ့ကာကွယ်ရေးတပ်ဖွဲ့ (DGRF)က ထုတ်ပြန်သည်။
ယနေ့(ဖေဖော်ဝါရီ ၂၃ ရက်)ညနေ ၆နာရီခန့်ကနယ်ထိန်းစိုးနိုင်ဦး ဆိုသူကို မောင်းမကန်တောင်ဆင်း ရှုခင်းသာလမ်းကွေ့၌ ပြည်သူ့ကာကွယ်ရေးဖွဲ့နှစ်ခုပူးပေါင်းပြီး ရှင်းလင်းခဲ့ခြင်းဟု ဆိုသည်။
နယ်ထိန်းရဲအားရှင်းလင်းစဥ် လက်ထိပ်၊တံဆိပ်တုံး၊ဆက်သွယ်ရေးဖုန်း(၂)လုံးအပါဝင် အမှုတွဲဖိုင်အချို့အား သိမ်းဆည်းရမိခဲ့သည်ဟု ဓာတ်ပုံနှင့်တကွ ဖော်ပြထား သည်။
ရဲ၊ပျူစောထီး၊ဒလန်နှင့် စစ်ကောင်စီနှင့်ပတ်သက်ဆက်နွယ်သူအားလုံးကို ဆက်လက်ရှင်းလင်းသွားမည်ဟုလည်း DGRFက အသိပေးသည်။
Public Service Announcement
ယနေ့ ဖြစ်စဥ်တွင် ထားဝယ်ခရိုင်ပြည်သူ့ကာကွယ်ရေးတပ်ဖွဲ့(DGRF)နှင့် လောင်းလုံးပြည်သူ့ကာကွယ်ရေးတပ်ဖွဲ့(LPDF)တို့ပူးပေါင်းလုပ်ဆောင်ခဲ့ကြောင်း ထုတ်ပြန်ချက်၌ ဖော်ပြသည်။
