Connect with us

Hi, what are you looking for?

သတင်း

ရေဘေးသင့်ထားဝယ်မြို့မှာ စစ်တပ်က လူငယ်တွေ ပေါ်တာဆွဲဖမ်းဆီးနေ

ရေဘေးနဲ့ ‌မြေပြိုဘေးကြုံနေတဲ့ ထားဝယ်မြို့နယ်မှာ စစ်တပ်က လူငယ်တွေ ပစ်မှတ်ထားပြီး စစ်မှုထမ်းဖို့ ပေါ်တာဆွဲဖမ်းဆီးနေသလို ဒီ‌နေ့ အောက်တိုဘာ ၂ရက်မှာလည်း မြို့အဝင်၊ကမြောကင်းတံတားဂိတ်မှာ လူငယ် ၂ဦးကို ဖမ်းဆီးထားတယ်လို့ မြို့ခံအချို့က ပြောပါတယ်။

(မြိတ် - ကော့သောင်း ပြည်ထောင်စုလမ်းမကြီးရေတင်နေတာကို တွေ့ရစဉ်။ ဓာတ်ပုံ - Nay Lin Htet/Fb)

အောက်တိုဘာ-၂၊၂၀၂၆။အိမ်သွင်/People’s Spring

ရေဘေးနဲ့ ‌မြေပြိုဘေးကြုံနေတဲ့ ထားဝယ်မြို့နယ်မှာ စစ်တပ်က လူငယ်တွေ ပစ်မှတ်ထားပြီး စစ်မှုထမ်းဖို့ ပေါ်တာဆွဲဖမ်းဆီးနေသလို ဒီ‌နေ့ အောက်တိုဘာ ၂ရက်မှာလည်း မြို့အဝင်၊ကမြောကင်းတံတားဂိတ်မှာ လူငယ် ၂ဦးကို ဖမ်းဆီးထားတယ်လို့ မြို့ခံအချို့က ပြောပါတယ်။

ထားဝယ်မြို့အဝင်မှာ စစ်တပ် တပ်စွဲထားတဲ့ ကမြောကင်းတံတား စစ်ဆေးရေးဂိတ်ကို ဖြတ်သန်းသူတွေအနက် အသက် ၂၀ကျော်အရွယ် လူငယ် ၂ဦးကို ဖမ်းဆီးထားတာလို့ ဆိုပါတယ်။

“မနက်၇နာရီလောက်က ဖမ်းတာ။ အရင်ရက်ကလည်း မြို့ထဲမှာတစ်ယောက် အဖမ်းခံရတယ်။ အခု နှစ်ယောက်။ မြို့ထဲကို‌တောင် မဝင်ရဲလောက်အောင်ဖြစ်နေတယ်”လို့ မြို့ခံတစ်ဦးက ၁ပြောပါတယ်။

Public Service Announcement

Public Service Announcement

စက်တင်ဘာ၂၈ရက်ကလည်း စစ်တပ်က ထားဝယ်မြို့နယ် ကြက်စားပြင်ရပ်ကွက်မှာနေတဲ့ လူငယ် ၁ဦးကို ပေါ်တာဆွဲဖမ်းဆီးသွားတယ်လို့ သိရပါတယ်။ ဖမ်းဆီးခံရတဲ့လူငယ်တွေနဲ့ပတ်သက်လို့ နောက်ဆက်တွဲ အခြေအနေကို မသိရသေးပါဘူး။

စစ်တပ်ရဲ့လုပ်ရပ်ကြောင့် လူငယ်တွေဟာ ရေဘေးကူညီကယ်ဆယ်ရေးကို မလိုက်ရဲအောင်ဖြစ်နေတယ်လို့ မြို့ခံတစ်ဦးက ပြောပါတယ်။

တနင်္သာရီတိုင်းအတွင်း လောင်းလုံး၊ ထားဝယ်၊ သရက်ချောင်း၊ ရေဖြူ၊ မြိတ်မြို့နယ်တွေမှာထိုင်းနိုင်ငံဖက်က လေဖိအားနည်းရပ်ဝန်းအရှိန်ကြောင့် စက်တင်ဘာလ၂၆ရက်နေ့ကစပြီး ရေဘေးကြုံတွေ့နေတာပါ။ လောင်းလုံးနဲ့ သရက်ချောင်းမြို့ဟာ ရေဘေးနဲ့ မြေပြိုမှုအဆိုးဆုံးကြုံတွေ့နေရပြီး ဒေသခံတွေကအရေးပေါ်အကူအညီတွေ လိုအပ်နေပါတယ်။

စစ်တပ်က လူငယ်တွေ ဖမ်းဆီးနေသလို ဘေးသင့်ဒေသတွေကိုလည်း လေကြောင်းတိုက်ခိုက်မှုတွေရှိနေပါတယ်။စက်တင်ဘာ ၃၀ရက်က ထားဝယ်အရှေ့တောဒေသ ရေဝိုင်းရွာကို လေယာဉ်နဲ့ဗုံးကြဲခဲ့ပြီး အောက်တိုဘာ ၁ရက်မှာတော့ သရက်ချောင်းမြို့နယ်ကို လေကြောင်းကနေ ဗုံးကြဲပြီး စက်သေနတ်နဲ့ပါ ပတ်ချာလည်ပစ်ခတ်သွားတယ်လို့ ဒေသခံတွေက ပြောပါတယ်။

ဒေသခံတွေ သဘာဝဘေးရင်ဆိုင်နေရချိန်မှာ လေကြောင်းတိုက်ခိုက်တဲ့လုပ်ရပ်အပေါ် ကန့်ကွက်ရှုတ်ချကြောင်း တနင်္သာရီဖက်ဒရယ်ယူနစ် ဖော်ဆောင်ရေးကောင်စီက ထုတ်ပြန်ထားပါတယ်။

စစ်တပ်က လေကြောင်းကနေ ဗုံးကြဲတဲ့အပြင် ထားဝယ်ခရိုင်က ရေဖြူမြို့နယ်နဲ့လောင်းလုံးမြို့နယ်ထဲမှာလည်း မြေပြင်စစ်ကြောင်းဝင်ရောက်လာတဲ့အတွက် ဒေသခံတွေတိမ်းရှောင်နေကြရတယ်လို့ သိရပါတယ်။ ရေဘေးနဲ့ မြေပ်ြိမှု ဘေးကြုံတွေ့နေတဲ့ ဒေသတွေကို စစ်‌တပ်တွေက ပြည်သူအသွင်ယူပြီး စိမ့်ဝင်နေတဲ့အတွက်လည်း ကယ်ဆယ်ရေးအဖွဲ့အစည်းတွေအနေနဲ့ အလံဖြူထောင်သွားလာခြင်းမပြုကြဖို့ တနင်္သာရီတိုင်းစစ်ဌာနနည်းဗျူဟာ(၃၃)က ထုတ်ပြန်ထားပါတယ်။

ဆက်စပ်သတင်းများ

သတင်း

စစ်ကြောင်း မိုင်းဆွဲခဲ့ရပြီးနောက် တဲကြီးရွာကို မီးဝင်ရှို့

သတင်း

စစ်တပ်ရဲ့ စစ်မှုထမ်းအပတ်စဉ်သစ်စတင်ချိန် တိုင်း ရန်ကုန်မြို့မှာ ပေါ်တာဆွဲဖမ်းဆီးတဲ့ ဖြစ်စဉ်တွေ ခပ်စိတ်စိတ်ဖြစ်လေ့ရှိပြီး အခုလထဲမှာတော့ လမ်းမပေါ်တွေမှာ ဖမ်းဆီးတာတွေ လုပ်လာတာကြောင့် သတိထားကြဖို့ မြေပြင်သတင်းတွေဖော်ပြပေးနေတဲ့ Rangoon Scout Network-RSN က အသိပေးပါတယ်။

ဆောင်းပါး

"ရှေ့ဆောင် နွား ဖြောင့်ဖြောင့်သွားက နောက်နွား တစ်သိုက် ဖြောင့်ဖြောင့် လိုက်၏" တဲ့။

သတင်း

ကရင်ပြည်နယ်၊ ကော့ကရိတ်မြို့နယ်က စစ်တပ် တပ်စွဲရာ နေရာ ၃ခုကို ဒရုန်းနဲ့ တိုက်ခိုက်ခဲ့ကြောင်း ရာမညမွန်တပ်တော်(RMA)က သတင်းထုတ်ပြန်ပါတယ်။

Facebook