စစ်ကောင်စီ က နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပေါ် စွဲဆိုထားတဲ့အမှုတွေအတွက် ကြားနာနေတဲ့ ရုံးချိန်းတွေ ကို လာမယ့်ရက်သတ္တပတ်က စတင်ကာအပြောင်းအလဲ ပြုလုပ်မယ်လို့ သိရပါတယ်။
ဒေါ်အောင်ဆန်းစုကြည်ဟာ စုစုပေါင်း အမှု ၁၂ မှုနဲ့ ဆက်လက်ရင်ဆိုင်နေရဆဲဖြစ်ပြီး အဲဒီအမှုတွေဟာ အဂတိမှု ၊ အစိုးရလျှိုဝှက်ချက်ဖောက်ဖျက်မှု ၊ ရွေးကောက်ပွဲမသမာမှု တွေဖြစ်ပါတယ်။
အဲဒီအမှုတွေကို ဒီရက်သတ္တပတ်အထိ အပတ်စဉ် စစ်ဆေးရာ တနင်္လာနေ့မှာ မဲမသမာမှု ၊ ကြာသပတေးနေ့မှာ အစိုးရလျှို့ဝှက်ချက်ဖောက်ဖျက်မှု နဲ့ သောကြာနေ့တွေမှာ အဂတိမှုတွေကို စစ်ဆေးနေတာပါ။
ဒီလိုစစ်ဆေးတာကို လာမယ့်ရက်သတ္တပတ်ကစတင်ကာ အပြောင်းအလဲလုပ်မယ်လို့သိရပါတယ်။
Public Service Announcement
တနင်္လာနဲ့အင်္ဂါနေ့မှာ အဂတိမှု ကို ပြောင်းလဲစစ်ဆေးမှာဖြစ်ပြီး ကြာသပတေး၊ သောကြာနေ့တွေမှာတော့ အရင်လိုပဲ အဂတိမှုနဲ့ မဲမသမာမှုတွေကို စစ်ဆေးမှာပါ။
စစ်ကောင်စီဟာ ဒေါ်အောင်ဆန်းစုကြည်ကို ပုဒ်မ ၅ ခုနဲ့ ထောင်ဒဏ် ၆ နှစ်ချထားပြီဖြစ်ပါတယ်။
