ကချင်ပြည်နယ် မိုးညှင်းမြို့ရှိ မိုးညှင်းတက္ကသိုလ်၌ စခန်းချနေသည့် စစ်ကောင်စီတပ်များကို ယနေ့(မတ်လ ၈ရက်)နံနက်အစောပိုင်း၌ သွားရောက်တိုက်ခိုက်ခဲ့ရာ ဗိုလ်အဆင့်ရှိသူအပါအဝင် စစ်ကောင်စီတပ်မှ ၁၂ဦး သေဆုံးခဲ့ကြောင်း ကချင်ဒေသပြည်သူ့ကာကွယ်ရေးတပ်(KPDF)-နန်းမားက သတင်းထုတ်ပြန်သည်။
မတ်လ ၇ရက်က မိုးညှင်းမြို့ နန်းမားနှင့် ညောင်ကုန်းကြား၌ ဖြစ်ပွားခဲ့သည့် တိုက်ပွဲတွင် KPDF(နန်းမား)နှင့် ပူးပေါင်းတပ်ဖွဲ့မှ ရဲဘော် ခုနစ်ဦးကျဆုံးခဲ့သည့်အပေါ် ယနေ့နံနက်တွင် စစ်ကောင်စီတပ်ကို ထပ်မံတိုက်ခိုက်ပြီး သွေးကြွေးပြန်ယူခဲ့သည်ဟု ဖော်ပြထားသည်။
ယနေ့ တိုက်ပွဲတွင် KPDF (နန်းမား)ဘက်မှ ထိခိုက်ကျ ဆုံးမှုမရှိကြောင်း ထုတ်ပြန်သည်။
မတ်လ ၇ရက်က စစ်ကောင်စီတပ်ယာဉ်တန်းကို ကချင်လွတ်လပ်ရေးတပ်မတော်(KIA)နှင့် KPDFတို့ ပူးပေါင်းပြီး တိုက်ခိုက်ခဲ့ခြင်းဖြစ်သည်။ ယင်းတိုက်ခိုက်မှုတွင် ပူးပေါင်းတပ်ဖွဲ့မှ ကျဆုံးမှုရှိသကဲ့သို့ စစ်ကောင်စီတပ်ဘက်မှလည်း စစ်ကားတစ်စီး မီးလောင်ပျက်စီးခဲ့ကာ စစ်ကောင်စီတပ်ဖွဲ့ဝင် ၂၀ကျော် သေဆုံးခဲ့သည်ဟု KPDF (နန်းမား)က ထုတ်ပြန်ထားသည်။
Public Service Announcement
