'/%3E%3C/svg%3E){kind=small}
မန္တလေးတိုင်း မတ္တရာမြို့နယ်ရှိ ကျေးရွာများသို့ အင်အားအလုံးအရင်းဖြင့် ဝင်ရောက်စီးနင်းမှုများ လုပ်ဆောင်နေသည့် အကြမ်းဖက်စစ်ကောင်စီတပ်သည် ယမန်နေ့ညပိုင်းတွင် သဖန်းကိုင်းရွာမှ ဒေသခံနှစ်ဦး၏ နေအိမ်များကို မီးရှို့ဖျက်ဆီးသွားသည်ဟု မတ္တရာနယ်ခံတစ်ဦးက သတင်းပေးပို့သည်။
သဖန်းကိုင်းရွာ၌ တပ်စွဲနေသည့် စစ်ကောင်စီတပ်သည် ရွာမှ အထွက်ပြပြီးနောက်ပိုင်း ရွာသို့ ပြန်ဝင်လာကာ မတ်လ ၁၁ရက်ညပိုင်း၌ သဖန်းကိုင်းကျေးရွာရှိ နေအိမ်နှစ်လုံးကို မီးရှို့သွားခြင်းဖြစ်သည်ဟု ဆိုသည်။
“အိမ်တွေက လူမရှိတာ ကြာပြီ။ သူတို့ အဝေးမှာရှိတဲ့ ဆွေမျိုးသားချင်းတွေဆီသွားနေနေကြတာ။ အဲဒီလို သွားနေကြတာကြာပြီ။”ဟု ဒေသခံက ပြောသည်။
အဆိုပါ အိမ်နှစ်လုံးကို မီးရှို့ခြင်းမှာ အိမ်ပိုင်ရှင်များသည် ပြည်သူ့ကာကွယ်ရေးတပ်ဖွဲ့ဝင်များနှင့် ပတ်သက်သည်ဟူသော သတင်းကြောင့်ဟု ယူဆကြောင်း ၎င်းကဆိုသည်။
Public Service Announcement
စစ်ကောင်စီတပ်သည် ဒေသအသီးသီးရှိ ကျေးရွာများ၌ ပြည်သူလူထုများကို ပစ်မှတ်ထားတိုက်ခိုက်ခြင်း၊ လူထုပိုင်နေအိမ်များကို မီးရှို့ဖျက်ဆီးခြင်းများ ဆက်တိုက်ပြုလုပ်နေသည်။
