စစ်ကိုင်းတိုင်း ယင်းမာပင်မြို့နယ်၌ ဖေဖော်ဝါရီ ၂၆ ရက်မှ မတ်လ ၁၃ ရက်အထိ ၁၆ ရက်တာကာလအတွင်း အကြမ်းဖက်စစ်ကောင်စီက ယင်းမာပင်ပြည်သူ့ကာ ကွယ်ရေးတပ်ဖွဲ့ဝင်တစ်ဦးအပါအဝင် အပစ်မဲ့အရပ်သားပြည်သူ ၂၅ဦးကို ဖမ်းဆီး ၊ မီးရှို့သတ်ဖြတ်သွားခဲ့သည်ဟု မြောက်ယမားပြည်သူ့ကာ ကွယ်ရေးတပ်ဖွဲ့ကသတင်းထုတ်ပြန်သည်။
တိုင်ပွဲအပြင်းအထန်းဖြစ်နေသည့် ယင်းမာပင်မြို့နယ် အခြေအနေကို မြောက်ယမားပြည်သူ့ကာကွယ်ရေးတပ်ဖွဲ့က ယနေ့(မတ် ၁၃ရက်)တွင် ထုတ်ပြန်ခြင်းဖြစ်သည်။
“စစ်ကိုင်းတိုင်းဒေသကြီး ယင်းမာပင်မြို့နယ်တွင် ရန်သူ(စစ်ကောင်စီ)စစ်ကြောင်းမှ လူအင်အား ၂၀၀ ဦးခန့်သည် ကျေးရွာအများအပြားအား ဝင်ရောက်စီးနင်းကာ ပြည်သူ့ကာကွယ်ရေးတပ်ဖွဲ့ဝင် တစ်ဦးအပါအဝင် အပြစ်မဲ့အရပ်သားပြည်သူ ၂၅ ဦးကို သတ်ဖြတ်ခဲ့သည်”ဟု ထုတ်ပြန်သည်။
အကြမ်းဖက်စစ်ကောင်စီနှင့် ယင်းမာပင်ခရိုင်အတွင်းရှိ ပူးပေါင်းပြည်သူ့ကာကွယ်ရေးတပ်ဖွဲ့ဝင်များသည် ယင်းမာပင်မြို့နယ်တွင် မတ်လ ၁ ရက်မှ မတ်လ ၁၃ ရက်အထိ နေ့ရောညပါ အပြင်းအထန် တိုက်ပွဲဖြစ်ပွားခဲ့ကြပြီး ရန်သူစစ်ကြောင်းဘက်မှလည်း သေဆုံးထိခိုက်ဒဏ်ရာများ အသီးသီး ရရှိခဲ့သည်ဟု ထုတ်ပြန်သည်။
Public Service Announcement
ယင်းမာပင်ဒေသတွင် စစ်ကောင်စီ၏ လူမဆန်သော ရက်စက်ကြမ်းကြုတ်မှုများကိုလည်း မြောက်ယမားပြည်သူ့ကာကွယ်ရေးတပ်ဖွဲ့က လူထုအား အသေးစိတ်ရှင်းပြထားသည်။
စစ်ကောင်စီသည် အပစ်မဲ့အရပ်သားပြည်သူစစ်ဘေးရှောင်များကို အဓိကပစ်မှတ်ထားကာ လက်နက်ကြီး ၊ လက်နက်ငယ်များဖြင့် ပစ်ခတ်တိုက်ခိုက်ခဲ့ပြီး ပြည်သူများ၏ လူနေအိမ်များကိုလည်း မီးရှို့ဖျက်စီးခဲ့ရာတွင် လူနေအိမ် ရာနှင့်ချီ မီးဘေးသင့်ခဲ့ကြောင်း၊ တိရစ္ဆာန်များပါမကျန် သတ်ဖြတ် စားသောက်ခဲ့ကြသည်ဟု ဆိုသည်။
ထို့ပြင် စစ်ကောင်စီစစ်ကြောင်းထိုးရာလမ်းတစ်လျှောက်တွင် တွေ့ရာပြည်သူများကို ဖမ်းဆီး၍ လူသားဒိုင်းအဖြစ်ခေါ်ဆောင်ခဲ့ကာ နည်းအမျိုးမျိုးဖြင့် ညှင်းပန်း ၊ နှိပ်စက် ရိုက်နှက်မှုများလည်း ရှိခဲ့ကြောင်း၊ ဘာသာရေးကျောင်းများကိုလည်း မီးရှို့ဖျက်စီးခဲ့ပြီး ဘာသာရေးကျောင်းများထဲမှ ငွေများနှင့် ပြည်သူပိုင် တန်ဖိုးကြီး ရွှေ ၊ ငွေ စသည်ပစ္စည်းများကိုလည်း ခိုးယူသွားခဲ့သည်ဟု သတင်းထုတ်ပြန်ထားသည်။
ယင်းမာပင်အပါအဝင် စစ်ကိုင်းတိုင်းအတွင်းမှ မြို့များအားလုံးနီးပါးသည် အကြမ်းဖက်စစ်ကောင်စီ၏ ထိုးစစ်ကို ကြံ့ကြံ့ခံခုခံနေပြီး လက်နက်နှင့်ငွေကြေးအကူအညီများ အရေးတကြီး လိုအပ်နေသည်ဟု ပြည်သူ့ကာကွယ် ရေးတပ်များက ပြည်သူလူထုထံ သတင်းစကားပါးထားကြသည်။
လက်နက်အင်အား အားနည်းနေသည့် စစ်ကိုင်းတိုင်းကို စစ်ကောင်စီက နည်းမျိုးစုံ ဖိနှိပ်နေသော်လည်း ယမန်နေ့(မတ်လ ၁၂ရက်)က ကရင်ပြည်နယ်၌ဖြစ်ပွားသောတိုက်ပွဲတွင် စစ်ကောင်စီအရာရှိများပါ မရှု့မလှ သေဆုံးခဲ့သည်။
