အုပ်ချုပ်ရေးမှူးနှင့် ပျူများ ၁၅ရက်အတွင်း တာဝန်မှ နှုတ်ထွက်ရန်နှင့် လက်နက်စွန့်ရန် ပုလော PDF သတိပေး

တနသ်ာရီတိုင်း ပုလောမြို့နယ်အတွင်းရှိ အုပ်ချုပ်ရေးမှူးနှင့် ပျူစောထီးများအနေဖြင့် ယခုကြေညာချက် ထုတ်ပြန်သည့် ယနေ့မှစ၍ ၁၅ရက်အတွင်း လက်ရှိတာဝန်များ ထမ်းဆောင်နေမှုမှ ရပ်ဆိုင်းရန် နှင့် မိမိကိုင်ဆောင်ထားသော လက်နက်များကို စွန့်လွှတ်ရန် ပုလောပြည်သူ့ကာကွယ်ရေးတပ်ဖွဲ့(PDF) က သတိပေးလိုက်သည်။

ပုလောမြို့နယ်အတွင်း ကျေးရွာတိုင်း၌ ရှိ သော စစ်ကောင်စီ၏ အကြီးမားဆုံးထောက်တိုင်များဖြစ်သည့် အဆိုပါ အုပ်ချုပ်ရေးမှူးနှင့် ပျူစောထီးများအနေဖြင့် စစ်ကောင်စီများကို အားပေးကူညီမှု မပြုလုပ်ရန် သတိပေးလိုက်ကြောင်းလည်း ကြေညာချက်၌ ဖော်ပြထားသည်။

ယခုကဲ့သို့ သတိပေးပြီးနောက်ပိုင်း စစ်ကောင်စီ၏ ထောက်တိုင်အဖြစ် ဆက်လက်အားပေးကူညီဆောင်ရွက်နေမည်သို့မဟုတ် လက်နက်များဆက်လက် ကိုင်ဆောင်ထားမည်ဆိုပါက စစ်ရေးအရ ပြင်းထန်စွာအပြစ်ပေး အရေးယူသွားမည်ဟုလည်း သတိပေးခဲ့သည်။

ပုလော PDFသည် ဒေသတွင်းရှိ ကရင်အမျိုးသားအစည်းအရုံး(KNU)တပ်များနှင့် ပူးပေါင်းပြီး စစ်ကောင်စီတပ်ကို ခုခံတိုက်ခိုက်မှုများ ပြုလုပ်လျက်ရှိသည်။

Public Service Announcement