စစ်ကိုင်းတိုင်း၊ ပုလဲမြို့ရှိ အကြမ်းဖက်စစ်ကောင်စီ၏ မြို့မရဲစခန်းကို လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း ကျားသစ်နက်ပြောက်ကျားတပ်ဖွဲ့က သတင်းထုတ်ပြန်သည်။
ယနေ့ (ဧပြီ ၂၆ ရက် ညနေ ၅ နာရီအချိန်က ပုလဲမြို့ မြို့မရဲစခန်းကို (၈၀)မမ လက်နက်ကြီး ၂၅ လုံးဖြင့် ပစ်ခတ်တိုက်ခိုက်ခဲ့ခြင်းဖြစ်ကြောင်း၊ ညနေ ၄နာရီမှ ၅နာရီအထိ ၁နာရီကြာ ပစ်ခတ်ခဲ့ပြီး ထိခိုက်ကျဆုံးမှုစာရင်းအသေးစိတ်ကို မသိရှိရသေးကြောင်း ကျားသစ်နက်ပြောက်ကျားတပ်ဖွဲ့က ပြောသည်။
ထို့အပြင် ရဲဘော်တစ်ဦးအသေးစားဒဏ်ရာရရှိခဲ့သည်မှအပ အခြားထိခိုက်မှုမရှိ ပြန်လည်ဆုတ်ခွာနိုင်ခဲ့သည်ဟု ကျားသစ်နက်ပြောက်ကျားတပ်ဖွဲ့က ပြောသည်။
“သူတို့ဘက်က ပြန်ပစ်တယ်။လက်နက်ကြီးတွေနဲ့ပြန်ပစ်ခတ်ခဲ့တဲ့အပြင် စနိုက်ပါတွေနဲ့ပါပစ်ခတ်ခံခဲ့ရပါတယ်။ တကယ်လုပ်ရင် တကယ်ဖြစ်ပါတယ်။တိုက်ပွဲတစ်ပွဲဆင်တိုင်းဆင်တိုင်း ကုန်ကျစရိတ်က ၂၀အထက်မှာရှိပါတယ်။ ပြည်သူတွေအနေနဲ့ အဲလိုပွဲမျိုးတွေ များများတွေ့ချင်ပါလား။ တွေ့ချင်ရင်ကျွန်တော်တို့အဖွဲ့ကိုများများထောက်ပံ့ပေးကြပါ။ ကျားသစ်နက်ကို လက်နက်သာတပ်ဆင်ပေးကြပါ။ ကျွန်တော် အသက်နဲ့ရင်းပြီးခုခံတိုက်ခိုက်ဖို့ အဆင်သင့်ဖြစ်နေပါပြီ။”ဟု ကျားသစ်နက်ပြောက်ကျားတပ်ဖွဲ့ တာဝန်ရှိသူက People’s Springသို့ ပြောသည်။
Public Service Announcement
ပုလဲမြို့မရဲစခန်းအား ယခုနှစ်အတွင်း ဖေဖော်ဝါရီနှင့် မတ်လအတွင်းကတစ်ကြိမ်စီ၊ဧပြီ ၁၆ ရက်ညက ရှော့တိုက်ဒုံး နှစ်လုံးဖြင့်တစ်ကြိမ်၊ စုစုပေါင်းသုံးကြိမ်ထက်မနည်း တိုက်ခိုက်ခံထားရသည်။
