တမူးမြို့တွင် ယမန့်နေ့ (မေ ၂၄ရက်) ကစစ်ကောင်စီတပ်ကစစ်ကြောင်းထိုးလာသဖြင့် ဒေသခံပြည်သူ့ကာကွယ်ရေးတပ်ဖြစ်သော PDF တမူးနှင့် တိုက်ပွဲဖြစ်ပွားခဲ့ရာ ပြည်သူ့ကာကွယ်ရေးတပ်များအထိအခိုက်မရှိခဲ့ကြောင်း PDF(တမူး) တပ်ရင်း ၁ မှာ တာဝန်ရှိသူတစ်ဦးကပြောသည်။
“ဒီကောင်တွေ (စစ်ကောင်စီတပ်) လမ်းကြောင်းတွေဘာတွေရှိပြီဆိုမှ ဒီလို စစ်ကြောင်းထိုးတာရှိတယ်။ တော်ရုံတန်ရုံဆိုရင် မလှုပ်ရှားရဲဘူး။ မနေ့ကလည်း အရာရှိအပြောင်းအလဲရှိတယ်ထင်တယ်။ အဲ့တာကြောင့်မို့ စစ်ကြောင်းနဲ့ အဲ့ဘက်မှ ထိုင်တဲ့ တပ်ရင်း ၂ ၊၃ ၊ ၄ရှိတဲ့နေရာ။ ၂ ၊၃၊ ၄ က လမ်းကြောင်းထွက်တာများတာကို အာ့တာကို ရှင်းရင်း သူတို့ လမ်းကြောင်းတွေကို ချောချောမွတ်မွတ်ဖြစ်အောင်လုပ်လိုက်တာပါ”ဟု PDF(တမူး) တပ်ရင်း ၁ မှာ တာဝန်ရှိသူတစ်ဦးကသုံးသပ်ပြောသည်။
တိုက်ပွဲတွင် PDFဘက်မှ အထိအခိုက်အကျအဆုံးမရှိကြောင်းကိုလည်း ၎င်းကဆက်ပြောသည်။ စစ်ကောင်စီတပ်မှ ထိခိုက်သေဆုံးမှု ရှိ၊မရှိကိုမူ အတည်မပြုနိုင်ကြောင်းလည်း ၎င်းကပြောသည်။
တမူး (PDF)တပ်ရင်း ၄ ၏ ထုတ်ပြန်ချက်တွင် စစ်ကောင်စီတပ်က စစ်ကြောင်းနှစ်ကြောင်းဖြင့် တိုက်ခိုက်ခဲ့ပြီး စခန်းသိမ်းရန် အထိ ရည်ရွယ်သည်ဟုဆိုထားသည်။
Public Service Announcement
ထိုအတွက် ပြည်သူများအနေဖြင့် ငွေကြေးဖြင့်လည်းကောင်း၊ဆုဆောင်းမေတ္တာ ပို့ပေးခြင်းဖြင့် လည်းကောင်း အကူအညီများပေးရန် မေတ္တာရပ်ခံထားသည်။
